'ప్రైమ్ వీడియో ఛానల్స్'ను(prime video channels) దేశంలో ఆందుబాటులోకి తీసుకొచ్చింది అమెజాన్(amazon india). దీంతో డిస్కవరీ ప్లస్, ఈరోస్ నౌ వంటి ఛానల్స్.. ఒకే వేదికపైకి చేరాయి.
అమెజాన్.. ప్రైమ్ వీడియో ఛానల్స్ తీసుకొచ్చిన దేశాల్లో 12వది భారత్. ఇప్పటికే వివిధ రకాల కంటెంట్ను అందిస్తోంది ప్రైమ్.. తాజా ప్రకటనతో అనేక ఛానల్స్ను 'యాడ్ఆన్ సబ్స్క్రిప్షన్స్'గా యూజర్స్కు అందుబాటులోకి తీసుకొచ్చింది. అంటే.. ఎవరైనా యాడ్ఆన్ ఆప్షన్ను ఎంచుకుంటే, వారికి ఆమెజాన్ ప్రైమ్లోనే ఆయా ఛానల్స్ కంటెంట్ కనపడుతుంది.
"10 భాషల్లో యూజర్స్కు వినోదం అందించేందుకు నాలుగేళ్లుగా మేము కృషి చేస్తూనే ఉన్నాము. భారత్తో పాటు ప్రపంచవ్యాప్తంగా ఉన్న అసలుసిసలైన కంటెంట్ను ప్రేక్షకులకు అందుబాటులోకి తెస్తున్నాము. ప్రైమ్ వీడియో ఛానల్ను దేశంలో ప్రవేశపెట్టడం ద్వారా.. భారతీయ ప్రేక్షకులకు మరింత వినోదాన్ని అందిస్తున్నాము."
--- గౌరవ్ గాంధీ, అమెజాన్ ప్రైమ్ వీడియో ఇండియా మేనేజర్.
యాడ్ఆన్ సబ్స్క్రిప్షన్స్.. ధరలు..
ప్రైమ్ వీడియో ఛానల్స్ ద్వారా.. 8 ఓటీటీ సంస్థలకు చెందిన దాదాపు 10వేలకుపైగా కంటెంట్లు ప్రైమ్లో యూజర్స్కు అందుబాటులోకి వచ్చాయి(amazon india app).
డిస్కవరీ ప్లస్(రూ. 299), ఈరోస్ నౌ(రూ. 299)తో పాటు లయన్స్గేట్ ప్లే(రూ. 699), డాక్యుబే(రూ. 499), మూబీ(రూ. 1,999), హొయిచాయ్, షార్ట్స్టీవీ(రూ. 299), మనోరమా-మ్యాక్స్(రూ. 699) కూడా అమెజాన్ ప్రైమ్లో దర్శనమివ్వనున్నాయి. తమకు నచ్చినవి ఎంచుకోవచ్చని, ఆ సేవలకు తగ్గట్టుగానే పేమెంట్ చేయవచ్చని అమెజాన్ పేర్కొంది.
ఇదీ చూడండి:- అమెజాన్ ప్రైమ్ నెలవారీ ప్లాన్, ఫ్రీ ట్రయల్‌ లేనట్లే!
