దిల్లీకి చెందిన న్యాయవాది గౌరవ్ గులాటి.. తాను కొత్తగా కొనుగోలు చేసిన వన్ప్లస్ నార్డ్-2 స్మార్ట్ఫోన్ జేబులోనే పేలిందని తెలిపారు. ఇందుకు సంబంధించిన ఫొటోలను ట్విట్టర్లో షేర్ చేశారు. ఫోన్ పేలిన సమయంలో 90 శాతం ఛార్జింగ్ ఉందని, ఆ సమయంలోనే దాన్ని ఉపయోగించనూ లేదని పేర్కొన్నారు. ముందుగా ఫోన్ నుంచి మంటలు వచ్చాయని, ఆ తర్వాత క్షణాల్లోనే పేలిపోయిందని వివరించారు. తనకు గాయాలు కూడా అయ్యాయని, కోర్టు చాంబర్లోనే ఇదంతా జరిగిందని చెప్పారు.
అయితే ఫోన్ పేలిందని సంస్థకు సంప్రదించకుండా.. నేరుగా న్యాయపోరాటం చేస్తానని గౌరవ్ పేర్కొన్నారు. ఈ ఫోన్ తయారు చేసిన సంస్థను నిషేధించాలని ఫిటిషన్ దాఖలు చేస్తానని చెప్పారు.
ఈ ఘటనపై వన్ప్లస్ సంస్థ స్పందించింది. ఫోన్ను పరీక్షించి విచారించకుండా పరిహారం చెల్లించలేమని పేర్కొంది. ఏం జరిగిందో తెలుసుకునేందుకు యాజమానిని సంప్రదిస్తే ఆయన నుంచి స్పందన లేదని పేర్కొంది.
రెండోసారి..
వన్ప్లస్ నార్డ్ 2 ఫోన్ నుంచి మంటలు రావడం ఇది మొదటి సారేం కాదు. ఆగస్టు మొదటి వారంలోనే ఈ మోడల్ ఫోన్ ఒకటి కాలిపోయింది. అప్పటికి ఈ మోడల్ మార్కెట్లోకి వచ్చి రెండు వారాలే. అయితే అప్పుడు ఇతర(తయారీ సంస్థతో సంబంధం లేని) కారణాల వల్లే ఫోన్ పేలిందని వన్ప్లస్ వివరణ ఇచ్చింది. ఇప్పుడు నెల గడవక ముందే మరో ఫేన్ పేలడం వినియోగదారుల్లో ఆందోళన కల్గిస్తోంది.
ఇదీ చదవండి: విద్యుత్తు వాహన ఛార్జర్లు ఉంటేనే కొత్త ఇంటికి అనుమతి!
