ప్రపంచాన్ని వణికిస్తోన్న కరోనా కట్టడికి విధించిన లాక్డౌన్తో అన్ని రంగాలు కుదేలయ్యాయి. ఉపాధి, ఉద్యోగాలు కోల్పోయి లక్షల మంది రోడ్డునపడ్డారు. మార్చి నుంచి జూన్ మధ్య కాలంలో విధించిన లాక్డౌన్తో బ్రిటన్లో సుమారు 6.5 లక్షల మంది ఉద్యోగాలు కోల్పోయినట్లు వెల్లడించారు ఆ దేశ ఆర్థిక మంత్రి రిషి సునాక్. రానున్న రోజుల్లో మరింత క్లిష్ట పరిస్థితులు రాన్నాయని.. అందుకే ప్రభుత్వం సమగ్ర ఉద్యోగ కల్పన ప్రణాళిక రచిస్తున్నట్లు చెప్పారు.
తూర్పు లండన్లోని ఉద్యోగ కల్పన కేంద్రాన్ని సందర్శించిన సందర్భంగా జాతీయ గణాంకాల విభాగం తాజా నివేదికలోని కీలక అంశాలను వెల్లడించారు భారత సంతతి నేత సునాక్.
ఓఎన్ఎస్ నివేదికలోని కీలక అంశాలు..
- బ్రిటన్లో ఈ ఏడాది 16-24 ఏళ్ల వయస్సులోని నిరుద్యోగుల్లో మరో 47వేల మంది చేరారు. అయితే.. ఇతర వయస్సు గ్రూపుల్లో మాత్రం నిరుద్యోగిత రేటు స్థిరంగా ఉంది.
- కరోనా మహమ్మారి ప్రారంభమైన తర్వాత దేశవ్యాప్తంగా వారం వారి పనిగంటలు రికార్డు స్థాయిలో 175.3 మిలియన్ల (16.7 శాతం) తగ్గి 877.1 మిలియన్లకు పడిపోయాయి. 1971లో పనిగంటల అంచనాలు ప్రారంభించిన తర్వాత ఇదే అత్యల్పం.
- లాక్డౌన్ తర్వాత ఉద్యోగాల కోత జూన్ నెలలో తగ్గింది. యూనివర్సల్ క్రెడిట్ స్టేట్ ఫండ్ ద్వారా లబ్ధి పొందుతున్న వారిలో 28,100ల మంది తగ్గి మే-జూన్ మధ్య 2.6 మిలియన్లకు పడిపోయింది.
- కరోనా వైరస్ జాబ్ రిటెన్షన్ పథకం ద్వారా ప్రస్తుతం 9,4 మిలియన్ల మంది కార్మికులు సాయం పొందుతున్నారు. ఈ పథకం అక్టోబర్లో ముగియనుంది.
ఇదీ చూడండి:ఆ కంపెనీలో 25వేల మంది ఉద్యోగులు తొలగింపు
