రైతులకు సోయా విత్తనాల పంపిణీ

నిర్మల్​ జిల్లా ముథోల్​ మండల కేంద్ర రైతులకు ఖరీఫ్​ సీజన్లో సోయా విత్తనాలను పంపిణీ చేశారు. 1,095 మంది రైతులకు ఒక్కొక్కరికీ 30 కిలోల బస్తాను అందజేయనున్నట్లు అధికారులు తెలిపారు.

ఖరీఫ్​ సీజన్లో తమ పంట పొలాల్లో వేయడానికి అవసరమైన సోయా విత్తనాలను ఇవాళ నిర్మల్​ జిల్లా ముథోల్​ మండల కేంద్ర రైతులకు సోయా విత్తనాలను పంపిణీ చేశారు. 30 కిలోల బస్తాలను 1,095 మంది రైతులకు అందజేస్తున్నట్లు ఏవో, ఏఈవోలు తెలిపారు. వ్యవసాయ అధికారి కార్యాలయంలో విత్తనాల టోకెన్​లను అందజేశారు. అన్నదాతలు విత్తనాల కోసం తెల్లవారుజామున 4 గంటల నుంచే అధికసంఖ్యలో క్యూలైన్​లో నిలబడ్డారు. కర్షకులకు ఎలాంటి ఇబ్బంది కలగకుండా అధికారులు ఎక్కువ కౌంటర్లు ఏర్పాటు చేసి టోకెన్​లను ఇచ్చారు.