హీరా గ్రూప్ సంస్థ వ్యవస్థాపకురాలు నౌహీరా షేక్ ఈడీ కస్టడీ నేటితో ముగిసింది. నిబంధనలకు విరుద్ధంగా విదేశీ నిధులు మళ్లించారనే ఆరోపణలపై నౌహీరా షేక్ ఆమె అనుచరులు మౌలీ థామస్, బిజూ థామస్లను ఈడీ అధికారులు ఏడు రోజుల కస్టడీలోకి తీసుకుని విచారించారు. ఈరోజుతో గడువు ముగియగా... చంచల్గూడ జైలుకు తరలించారు.
ఎక్కువ వడ్డీ ఆశ చూపి
నౌహీరా షేక్ ఎక్కువ వడ్డీ ఆశ చూపి భారీ ఎత్తున డిపాజిట్లు స్వీకరించారనే ఆరోపణలపై నౌహీరా షేక్ను విచారించారు. లక్షకు పైగా డిపాజిటర్ల నుంచి సుమారు 6వేల కోట్ల పెట్టుబడులు స్వీకరించినట్లు ఈడీ అధికారులు గుర్తించారు.
మరిన్ని ఆధారాలు
విదేశాల నుంచి నిధులు ఎలా సేకరించారు.. వాటిని భారత్కు ఎలా తరలించారు, దేశీయంగా వాటిని ఎలా వినియోగించారన్న దానిపై ఈడీ అధికారులు ఆమెను ప్రశ్నించినప్పటికీ ఆమె ముఖ్తసరి సమాధానాలిచ్చినట్లు తెలుస్తోంది. డిపాజిటర్లను మోసం చేయలేదని, తన వ్యాపారాన్ని సమర్థించుకున్నట్లు సమాచారం. విదేశీ నిధుల సమీకరణలో ఆధారాలు సేకరించే పనిలో ఉన్నారు ఎన్ఫోర్స్మెంట్ డైరెక్టరేట్ అధికారులు.
ఇదీ చూడండి : పదకొండు రోజుల్లో ఎలా సాధ్యమైంది?
