రంగనాథుని సన్నిధిలో చంద్రశేఖరుడు

సమాఖ్యకూటమి ఏర్పాటే ధ్యేయంగా గులాబీ నేత కేసీఆర్​ ప్రాంతీయ పార్టీలతో చర్చలు సాగిస్తున్నారు. ఇందులో భాగంగా నిన్న సాయంత్రం తమిళనాడు వెళ్లిన సీఎం ఈరోజు శ్రీరంగంలోని రంగనాథస్వామిని దర్శించుకున్నారు.

తమిళనాడు పర్యటనలో ఉన్న ముఖ్యమంత్రి కేసీఆర్​ శ్రీరంగంలో రంగనాథస్వామి ఆలయాన్ని దర్శించుకున్నారు. అర్చకులు ప్రత్యేక పూజలు నిర్వహించి.. కేసీఆర్​కు తీర్థ ప్రసాదాలు అందించారు. మధ్యాహ్నం ఒంటి గంటకు తిరుచ్చి నుంచి చెన్నై చేరుకోనున్నారు. సాయంత్రం 4.30 గంటలకు స్టాలిన్​తో భేటీ కానున్నారు. లోక్​సభ ఫలితాలకు 10 రోజుల గడువు ఉన్న సమయంలో గులాబీ దళపతి పర్యటనలు ఆసక్తి రేకెత్తిస్తున్నాయి.

ఇదీ చూడండి : వీడియోకాన్​ కేసులో ఈడీ ముందుకు కొచ్చర్​