పోలీస్ స్టేషన్​లో ఇంటర్​ ప్రశ్నాపత్రాల పెట్టెలు గల్లంతు

ఇంటర్‌ బోర్డు నిర్లక్ష్యం మరోసారి వెలుగులోకి వచ్చింది. వరంగల్‌ మిల్స్‌ కాలనీ పోలీసుస్టేషన్‌లో భద్రపరిచిన ఇంటర్‌ సప్లిమెంటరీ ప్రశ్నాపత్రాలు గల్లంతయ్యాయి.

లక్షలాదిమంది విద్యార్థుల జీవితాలతో చెలగాడమాడుతున్న ఇంటర్​బోర్డు నిర్లక్ష్యం మరోసారి బట్టబయలైంది. వరంగల్​ జిల్లాలోని మిల్స్‌కాలనీ పోలీస్‌స్టేషన్లో భద్రపరిచిన ఇంటర్‌ ప్రశ్నపత్రాలు గల్లంతయ్యాయి. ఈనెల ఏడోతేదీ నుంచి ఇంటర్మీడియట్​ అడ్వాన్స్​డ్​ సప్లిమెంటరీ పరీక్షలు జరగాల్సి ఉండగా ప్రశ్నాపత్రాలు గల్లంతవడం అధికారుల నిర్లక్ష్యానికి అద్దంపడుతోంది. పోలీస్​ స్టేషన్​కు మొత్తం 13 పెట్టెల్లో ప్రశ్నాపత్రాలు వచ్చాయి. వాటిలో రెండు పెట్టెలు గల్లంతై రెండురోజులు కావొస్తోంది. ఈ ఘటనపై పోలీసులు తమకు ఎలాంటి సంబంధంలేదని చేతులెత్తేశారు. అయినప్పటికీ సమాచారం బయటకు పొక్కకుండా లోలోపల మాయమైపోయిన పెట్టెలను వెతుకుతున్నారు పోలీసులు, ఇంటర్​ అధికారులు.

ఇదీ చదవండి: రీవెరిఫికేషన్​లోనూ తప్పు జరిగింది: బోర్డు కార్యదర్శి