ఉగాది.. అందరి జీవితాల్లో వెలుగులు నింపాలని ఆకాంక్షించిన ఏపీ సీఎం...తెదేపా పోరాడేది న్యాయం కోసం.. ధర్మం కోసమని స్పష్టం చేశారు. తెదేపా నేతల్ని ఐటీ దాడులతో బెదిరిస్తున్నారని విమర్శించారు. ఒక్కమాట చెప్పకుండా సీఎస్‌ను బదిలీ చేశారన్నబాబు... నరేంద్రమోదీ నియంతలా తయారయ్యారన్నారు. సీబీఐ, ఈడీ, ఆర్‌బీఐ, అన్ని వ్యవస్థల్ని మోదీ ధ్వంసం చేశారని ఆరోపించిన బాబు..అడ్వాణీ ఎన్ని చెప్పినా మోదీ మారలేదన్నారు. కోడికత్తి పార్టీని చూసి ఎవరూ పెట్టుబడులు పెట్టరని తెలిపిన ఏపీ సీఎం... యువత, రైతులు, మహిళలు, ఉద్యోగుల భవిష్యత్తు తన బాధ్యత అన్నారు. ఐదేళ్లలో చెప్పిన పనుల కంటే ఎక్కువ పనులు చేశానన్న చంద్రబాబు...కేసులున్న వైకాపా అభ్యర్థులు అవసరమా అని ప్రశ్నించారు.
రాష్ట్రానికి రావాల్సిన లక్ష కోట్లు కొట్టేసిన వ్యక్తి కేసీఆర్ అని ధ్వజమెత్తిన చంద్రబాబు... తెరాస 16 ఎంపీ సీట్లు గెలిస్తే.. తెదేపా 25 ఎంపీ, 175 అసెంబ్లీ సీట్లు సొంతం చేసుకుంటుందని ధీమా వ్యక్తం చేశారు. చీమకుర్తికి రూ.62 కోట్లతో తాగునీటి సదుపాయం కల్పించామన్న చంద్రబాబు... చీమకుర్తిలో మైనింగ్ యూనివర్సిటీ వచ్చేలా చూస్తానని హామీ ఇచ్చారు.
ఇవీ చూడండి : 'తెదేపాను రాజకీయంగా దెబ్బతీసేందుకే కేంద్రం దాడులు'
