'ఆవు వయసు' రేటు రూ. 600

ఆవు వయసు తెలుసుకోవాలంటే.. అక్కడి పశువైద్యాధికారికి రూ.600 లంచంగా ఇవ్వాల్సిందే. అలా ఓ వ్యక్తి తన దగ్గరున్న 12 ఆవుల వయసు నిర్ధరణ కోసం... రూ.7వేల 200 ఇవ్వాల్సిందిగా వైద్యుడు కోరాడు. ఆ మొత్తాన్ని తీసుకుంటూ ఏసీబీ అధికారులకు చిక్కాడు.

రంగారెడ్డి జిల్లా కడ్తాల్‌ ప్రభుత్వ పశువైద్యాధికారి రవిచంద్ర ఏసీబీకి చిక్కారు. గ్రామానికి చెందిన హన్మంత రెడ్డి నుంచి పశువు వయస్సు, ఆరోగ్య ధ్రువీకరణ పత్రము ఇవ్వడానికి 7200 రూపాయలు లంచం అడిగారు. తన అటెండర్‌ పర్వీన్‌ ద్వారా తీసుకోవాలని ప్రయత్నించాడు.

అసలేం జరిగిందంటే...

గ్రామానికి చెందిన హన్మంత్‌రెడ్డికి 12 ఆవులు ఉన్నాయి. వాటికి బీమా చేయించేందుకు గత 50 రోజులుగా పశువుల ఆసుపత్రి చుట్టూ తిరుగుతున్నారు. ఈ క్రమంలో వైద్యుడు డబ్బు డిమాండ్ చేశాడు. ఒక్కో ఆవుకు 600 చొప్పున 12 ఆవులకు 7వేల 200 ఇవ్వాల్సిందిగా కోరాడు. రైతు ఏసీబీ అధికారులను ఆశ్రయించగా... అధికారులు వైద్యాధికారిని పట్టుకున్నారు.
ఏసీబీ డీఎస్పీ సూర్యనారాయణ ఆధ్వర్యంలో ఈ తనిఖీలు నిర్వహించారు.

ఇవీ చూడండి:కేంద్రంలో మేమే కీలకం