ఆస్ట్రేలియా మహిళా క్రికెట్ జట్టు రికార్డు సృష్టించింది. వరుసగా 21 వన్డేల్లో గెలిచి, పురుషుల జట్టు మాజీ కెప్టెన్ రికీ పాంటింగ్.. 2003లో సాధించిన ఘనతను సమం చేసింది. 2017 అక్టోబరు 29న మొదలైన వీళ్ల విజయాల పరంపర.. ఇప్పటివరకు సాగింది. ఇకపైనా సాగే అవకాశముంది.
బ్రిస్బేన్ వేదికగా బుధవారం జరిగిన వన్డేలో న్యూజిలాండ్ జట్టుపై 232 పరుగులు తేడాతో ఆస్ట్రేలియా మహిళలు విజయం సాధించారు. తాత్కాలిక కెప్టెన్ రేచల్ 104 పరుగులతో ఆకట్టుకోగా, హేలీ 87 పరుగులు చేసింది. ఛేదనలో కివీస్ బృందం 93 పరుగులకే ఆలౌటైంది. సాట్తర్వైట్ 41, మ్యాడీ గ్రీన్ 22 పరుగులు మాత్రమే చేశారు. కానీ తమ జట్టును గెలిపించలేకపోయారు.
