ఆల్ ఇంగ్లాండ్ ఓపెన్లో క్వార్టర్ ఫైనల్లోకి దూసుకెళ్లాడు భారత యువ షట్లర్ లక్ష్య సేన్. మహిళల సింగిల్స్ రెండో రౌండ్లో పీవీ సింధు కూడా గెలిచి క్వార్టర్స్కు దూసుకెళ్లింది. మరో బ్యాడ్మింటన్ క్రీడాకారుడు హెచ్ఎస్ ప్రణయ్ మాత్రం టోర్నీ నుంచి నిష్క్రమించాడు.
గురువారం జరిగిన రెండో రౌండ్లో ఫ్రాన్స్కు చెందిన థామస్ రౌక్సెల్పై 21-18, 21-17 తేడాతో విజయం సాధించాడు లక్ష్య. పిన్న వయసులో ఈ టోర్నీ క్వార్టర్స్కు వెళ్లిన భారత పురుష షట్లర్గా రికార్డు సృష్టించాడు.
మరోవైపు సింధు.. డెన్మార్క్ క్రీడాకారిణి క్రిస్టోఫర్పై 21-8, 21-8 తేడాతో అలవోక విజయం సాధించింది.
ప్రణయ్ ఔట్..
ఇక ప్రపంచ నెం.1 కెంటో మొమొటా చేతిలో రెండో రౌండ్లో 21-15, 21-14 తేడాతో వరుస సెట్లలో ఓడి ఇంటిముఖం పట్టాడు ప్రణయ్.
అంతకుముందు జరిగిన మిక్స్డ్ డబుల్స్ రెండో రౌండ్లో సాత్విక్ సాయిరాజ్- అశ్వినీ పొన్నప్ప జోడీ ఓటమిపాలైంది. జపాన్కు చెందిన యుకీ కనెకో-మిసాకి మత్సుతోమో ద్వయం చేతిలో 21-19, 21-9 తేడాతో పరాజయం పొందింది.
ఇదీ చూడండి: ఆల్ ఇంగ్లాండ్ ఓపెన్ నుంచి సైనా ఔట్
ఇదీ చూడండి: ఆల్ఇంగ్లాండ్ ఓపెన్: సింధు విజయం- శ్రీకాంత్, కశ్యప్ ఔట్
