ఆ ప్రాంతాల్లో కొవిడ్ కేసులు 'జీరో'

అండమాన్​ నికోబార్, అరుణాచల్ ప్రదేశ్​ ప్రాంతాల్లో కొత్తగా ఒక్క కొవిడ్ కేసు కూడా నమోదు కాలేదు. దేశవ్యాప్తంగా వైరస్​ వ్యాప్తి పెరుగుతున్నా.. అరుణాచల్​ ప్రదేశ్​లో గత నాలుగు రోజు నుంచి ఒక్క పాజిటివ్​ కేసు నమోదుకాకపోవడం గమనార్హం.

దేశవ్యాప్తంగా కొవిడ్ కేసులు పెరుగుతున్నా అండమాన్ నికోబార్ దీవిలో కొత్తగా ఒక్క కొవిడ్ కేసు కూడా నమోదు కాలేదు. అరుణాచల్​ ప్రదేశ్​లో గత నాలుగు రోజుల నుంచి ఒక్కరికీ వైరస్​ సోకలేదని ఆ రాష్ట్ర ఆరోగ్య శాఖ స్పష్టం చేసింది.

అరుణాచల్ ప్రదేశ్​లో ఇప్పటివరకు మొత్తంగా 16,842 మందికి వైరస్​ సోకింది. ఇప్పటివరకు 16,784 మంది కొవిడ్​ నుంచి కోలుకున్నారు. రాష్ట్రంలో రికవరీ రేటు 99.65 శాతం ఉంది. మంగవారం నాటికి 4,11,947 కొవిడ్​ టెస్టులు నిర్వహించారు.

పర్యటకులు వస్తున్నా...

అండమాన్​ దీవులకు పర్యటకులు పెరుగుతున్నా ఆ ప్రాంతంలో కొవిడ్​ కేసులు నమోదుకాకపోవడం గమనార్హం. 700-800 వరకు పర్యటకులు వస్తున్నా పరిస్థితి అదుపులో ఉందని ఆరోగ్య శాఖ వెల్లడించింది.

ఇదీ చదవండి:ప్రమాదంలో యువకుడు మృతి- పోలీసులపై దాడి