మధ్యప్రదేశ్లోని గ్వాలియర్ పెరుగుతున్న కరోనా బాధితుల్లో కొత్త కొత్త కేసులు వెలుగుచూస్తున్నాయి. ఓ 30ఏళ్ల వ్యక్తి 9 నెలల వ్యవధిలో మూడు సార్లు మహమ్మారి బారిన పడినట్లు వైద్యులు తాజాగ గుర్తించారు.
ఆ వ్యక్తికి.. గతేడాది జులై 26న తొలిసారిగా కొవిడ్ పాజిటివ్గా నిర్ధరణ అయింది. అయితే.. తీవ్రమైన లక్షణాలేమీ లేనందున ఇంట్లోనే ఉండి చికిత్స తీసుకుని కోలుకున్నాడు. ఆ తర్వాత.. అక్టోబర్ 15న మళ్లీ పరీక్షలు నిర్వహించగా.. వైరస్ ఉన్నట్టు తేలింది. ఇటీవల ఏప్రిల్ 25న మరోసారి టెస్ట్లు చేయగా.. కరోనా బారినపడినట్టు నిర్ధరణ అయింది.
సాధారణంగా.. ఓ వ్యక్తి కరోనా నుంచి కోలుకున్నాక శరీరంలో యాంటీబాడీలు ఉత్పత్తి అవుతాయి. అవి 6 నెలల వరకు వైరస్ బారినపడకుండా రక్షణ కల్పిస్తాయి. అయితే.. సదరు బాధితుడు మాత్రం.. సుమారు 3 నెలలకోసారి మహమ్మారి బారినపడటం గమనార్హం. వైద్య అధికారులు ఆ రిపోర్టులను క్షుణ్నంగా పరిశీలిస్తున్నారు.
అయితే.. ఈ విషయమై తమకు ఎలాంటి సమాచారం అందలేదని జిల్లా వైద్యాధికారి డాక్టర్ మనీశ్ శర్మ అన్నారు. ఆ యువకుడికి మూడు సార్లు ఒకే రకమైన వైరస్ సోకిందా? దానికి కారణాలేంటి అనే అంశాలపై ఆరా తీస్తున్నట్టు తెలిపారు. ఆ సమాచారాన్ని సేకరించాక.. యువకుడి నమూనాలను తదుపరి పరిశోధనలకు పంపిస్తామని చెప్పారు.
ఇదీ చదవండి: 'టీకా విషయంలో చేతులు దులుపుకున్న కేంద్రం'
