Women Gangraped: పట్టపగలే రెచ్చిపోయారు కొందరు కామాంధులు. నడిరోడ్డుపై ఓ యువతిపై అఘాయిత్యానికి ఒడిగట్టారు. ఈ క్రూరమైన ఘటన మధ్యప్రదేశ్లోని అలీరాజ్పుర్ జిల్లాలో జరిగింది.
ఇదీ జరిగింది
జిల్లాలోని భగోరియా గిరిజన జాతర ఈ నెల 11న ప్రారంభమైంది. ఆ జాతరను చూసేందుకు భారీ సంఖ్యలో భక్తులు హాజరయ్యారు. ఆ కార్యక్రమం ముగించుకుని ఇంటికి ఇళ్లకు వెళ్తుండగా.. నడిరోడ్డుపై పట్టపగలే ఓ యువతిపై కొందరు ఆకతాయిలు లైంగిక వేధింపులకు పాల్పడ్డారు. వారిని ఎదురించేందుకు బాధితురాలు అన్ని విధాల తీవ్రంగా ప్రయత్నించింది. ఈ క్రమంలోనే ఆమెను ఈడ్చుకెళ్లారు ఆ కిరాతుకులు.
మానవత్వం మరిచారా?
ఇంత దారుణమైన ఘటన జరుగుతుంటే వేడుక తిలకించినట్లు ఉన్నారే తప్పా ఏ ఒక్కరూ.. ఆమెను కాపాడేందుకు ముందుకురాలేదు. మానవత్వం మరిచిపోయారా అన్నట్లు .. తమ మొబైల్ ఫోన్లలో ఆ ఘటనకు సంబంధించిన దృశ్యాలను రికార్డు చేసి సామాజిక మాద్యమాల్లో పోస్టులు చేశారు.
ఐదుగురు అరెస్ట్
దీంతో ఘటనకు సంబంధించి కేసు నమోదు చేసుకున్న పోలీసులు.. ముగ్గురు నిందితులను అరెస్ట్ చేశారు. వీడియో తీసి.. వైరల్ చేసినందుకు మరో ఇద్దరిని నిర్భందించారు. బాధితురాలిపై వేధింపులకు పాల్పడి.. ఇతర నిందితులను ప్రేరేపించిన మరో ముగ్గురు, నలుగురిని అరెస్టు చేసేందుకు ప్రయత్నాలు కొనసాగుతున్నట్లు అధికారులు తెలిపారు.
కాంగ్రెస్ విమర్శలు
ఈ ఘటనపై ప్రతిపక్ష కాంగ్రెస్.. భాజపా లక్ష్యంగా విమర్శలు గుప్పించింది. 'రాష్ట్రంలో 'సేవ్ డాటర్ క్యాంపెయిన్' ఇలా జరుగుతోందా? ప్రభుత్వం ఇలాంటి వాటిపై చర్యలు తీసుకోదా?' అని సీఎం శివరాజ్ సింగ్ చౌహాన్, హోంమంత్రి నరోత్తమ్ మిశ్రాలను ప్రశ్నిస్తూ రాష్ట్ర కాంగ్రెస్ అధికార ప్రతినిధి కేకే మిశ్రా ట్వీట్ చేశారు.
రాజస్థాన్లో మరో ఘటన
మరోవైపు, రాజస్థాన్లోని అజ్మీర్ జిల్లాలో 22 ఏళ్ల వివాహితపై ఐదుగురు కిరాతకులు సామూహిక అత్యాచారానికి పాల్పడ్డారు. ఈ ఘటనపై నసీరాబాద్ సదర్ పోలీసులకు బాధితురాలు ఫిర్యాదు చేసింది. తనను బ్లాక్మెయిల్ చేసేందుకు వీడియోలు తీసినట్లు ఆరోపించింది. ఈ మేరుకు ఆమె వాగ్మూలాన్ని రికార్డు చేసుకున్న పోలీసులు.. ఐదుగురు నిందితులపై కేసు నమోదు చేశారు. వారిని పట్టుకునే పనిలో నిమగ్నమయ్యారు.
ఇదీ చూడండి: తిండి లేకుండా.. 'సోలార్ ఎనర్జీ'తో పాతికేళ్లు బతికిన వ్యక్తి మృతి