మే 5 తర్వాత బంగాల్లో 18 ఏళ్లు పైబడిన వారికి ఉచితంగా కరోనా టీకా పంపిణీ చేస్తామని ఆ రాష్ట్ర ముఖ్యమంత్రి మమతా బెనర్జీ తెలిపారు. తపన్లో జరిగిన బహిరంగ సభలో పాల్గొన్న ఆమె ఈ మేరకు పేర్కొన్నారు.
"మే 2న అసెంబ్లీ ఎన్నికల ఫలితాలు వస్తాయి. మే 5 తర్వాత నుంచి 18 ఏళ్లు పైబడిన వ్యక్తులకు మేం ఉచితంగా టీకా అందిస్తాం."
-మమతా బెనర్జీ, బంగాల్ ముఖ్యమంత్రి
కర్ణాటకలో మే1 నుంచి..
కర్ణాటకలో 18 నుంచి 44 ఏళ్ల వయస్సు వ్యక్తులకు మే 1 నుంచి ఉచితంగా.. కొవిడ్ టీకా అందజేస్తామని ఆ రాష్ట్ర ప్రభుత్వం తెలిపింది. ఇందుకోసం రూ.400 కోట్లతో తాము కొవిషీల్డ్ టీకా.. కోటి డోసులను తాము సేకరిస్తామని ఆ రాష్ట్ర ముఖ్యమంత్రి యడియూరప్ప పేర్కొన్నారు. ఏప్రిల్ 28 నుంచి అర్హులైన లబ్ధిదారులు తమ పేర్లను నమోదు చేసుకోవాలని కోరారు.
గోవాలో 5 లక్షల డోసులు
తమ రాష్ట్రంలో 18 నుంచి 45 ఏళ్ల మధ్య వయస్కులకు కరోనా టీకాను ఉచితంగా పంపిణీ చేస్తామని గోవా ప్రభుత్వం గురువారం ప్రకటించింది. ఇందుకోసం 5 లక్షల కొవిడ్ టీకా డోసులను సీరం సంస్థ నుంచి తాము సిద్ధం చేస్తున్నామని తెలిపింది. ఈమేరకు ఆరోగ్య సేవల డైరెక్టరేట్కు ఆ రాష్ట్ర ఆరోగ్య శాఖ ఆదనపు కార్యదర్శి వికాస్ గౌనేకర్ లేఖ తెలిపారు. సీరం సంస్థ అభివృద్ధి చేసిన కొవిషీల్డ్ టీకాను గోవా ప్రభుత్వం కొనుగోలు చేయనుందని తెలిపారు.
ఇదీ చూడండి: ప్రభుత్వ మార్గాల ద్వారానే టీకా సరఫరా: ఫైజర్‌
ఇదీ చూడండి: వైరస్ మృత్యుఘంటికలు- ఆక్సిజన్ అందక విలవిల
