ప్రముఖ సినీ నటుడు, మక్కల్ నీది మయ్యమ్(ఎంఎన్ఎం) పార్టీ అధినేత కమల్ హాసన్ ఎన్నికల బరిలో నిలవనున్నట్లు వెల్లడించారు. 2021లో జరగనున్న తమిళనాడు అసెంబ్లీ ఎన్నికల్లో తాను పోటీ చేయబోతున్నట్లు ప్రకటించారు.
చెన్నైలో నిర్వహించిన మీడియా సమావేశంలో.. ఎన్నికల కోసం రజనీకాంత్ మద్దతు కోరనున్నట్టు వెల్లడించారు కమల్.
"రాజకీయాలపై ప్రముఖ హీరో రజనీకాంత్తో చర్చలు జరుపుతున్నాం. వచ్చే ఎన్నికల్లో తమకు మద్దతు ఇవ్వాలని ఆయనను కోరనున్నాం. అయితే.. రాజకీయాల్లోకి రావాలనుకునే ముందు ఆయన ఆరోగ్యం కూడా చాలా ముఖ్యం. మక్కల్ నీది మయ్యమ్లో నిందా రాజకీయాలు, ప్రతీకార రాజకీయాలు ఉండవు. మార్గదర్శక రాజకీయాలు మాత్రమే ఉంటాయి. అసెంబ్లీ ఎన్నికల కోసం తగిన అభ్యర్థులను ఎంపిక చేసే ప్రక్రియను ఇప్పటికే ప్రారంభించాం."
- కమల్ హాసన్, మక్కల్ నీది మయ్యమ్ అధినేత.
తమిళనాడులో ప్రధాన పార్టీలైన డీఎంకే, ఎండీఎంకే మధ్య వచ్చే ఎన్నికల్లో హోరాహోరీ పోరు నెలకొనే అవకాశం ఉంది. అయితే.. ఇప్పటినుంచే కసరత్తును ప్రారంభించారు కమల్ హాసన్. పార్టీ కార్యకర్తలు, నేతలతో భేటీ అవుతూ దిశానిర్దేశం చేస్తున్నారు.
ఇదీ చూడండి: రాజకీయ పొత్తులపై కమల్ పార్టీ స్పష్టత
