యూపీ టెట్(ఉత్తర్ప్రదేశ్ ఉపాధ్యాయుల అర్హత పరీక్ష) రాస్తున్న మహిళకు పుట్టిన బిడ్డకు 'టెట్' అని పేరు పెట్టారు ఆస్పత్రి సిబ్బంది. ఈ ఘటన యూపీలోని అమ్రోహా జిల్లాలో జరిగింది.
పరీక్ష హాలు నుంచి ఆస్పత్రికి...
నాన్పుర్ బిటా గ్రామానికి చెందిన రేణు దేవి.. ప్రభుత్వ ఉపాధ్యాయురాలు కావాలన్న ఆశతో చాలారోజుల క్రితం యూపీ టెట్కు దరఖాస్తు చేసింది. పరీక్ష సమయానికి ఆమె నిండు గర్భవతి. ఆదివారం టెట్కు హాజరయ్యేందుకు గజ్రైలాలోని రమాభాయి అంబేడ్కర్ డిగ్రీ కళాశాలకు భర్త సాయంతో వెళ్లింది. అయితే.. పరీక్ష రాస్తుండగా సాయంత్రం 4గంటల సమయంలో ఆమెకు పురిటి నొప్పులు మొదలయ్యాయి. వెంటనే ఇన్విజిలేటర్ అప్రమత్తమై.. అంబులెన్స్ను పిలిపించారు. హుటాహుటిన ఆస్పత్రికి తరలించారు. అక్కడ రేణు దేవి.. మగబిడ్డకు జన్మనిచ్చింది. యూపీ టెట్ పరీక్షకు గుర్తుగా.. ఆ పిల్లవాడికి టెట్ అని పేరు పెట్టారు వైద్య సిబ్బంది.
తల్లీబిడ్డలు క్షేమంగా ఉన్నట్లు కమ్యూనిటీ హెల్త్ సెంటర్ మెడికల్ ఆఫీసర్ డాక్టర్ యోగేంద్ర సింగ్ తెలిపారు.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చదవండి:బైక్ నడుపుతూ మృతి.. రాత్రంతా రోడ్డుపైనే శవం.. వారంతా చూసినా...
