అమోనియా ప్లాంట్​లో పేలుడు- ఇద్దరు మృతి

అమోనియా గ్యాస్​ లీకై పేలుడు సంభవించిన ఘటనలో ఇద్దరు కూలీలు ప్రాణాలు కోల్పోయారు. ఈ ఘటన ఉత్తర్​ప్రదేశ్​లో జరిగింది.

ఉత్తర్​ప్రదేశ్​ ఇతౌంజలో.. బిందేశ్వరి కోల్డ్ స్టోరేజ్​లోని అమోనియా ప్లాంట్​లో గ్యాస్​ లీకైంది. ఈ ఘటనలో ఇద్దరు కూలీలు ప్రాణాలు కోల్పోయారు.

బాధితులను ఆసుపత్రికి తరలిస్తున్న అధికారులు

శనివారం రాత్రి 9 గంటల ప్రాంతంలో జరిగిన ఈ ఘటనలో నలుగురికి తీవ్రంగా గాయాలయ్యాయి. బాధితులను వెంటనే లఖ్​నవూలోని ఆసుపత్రికి తరలించినట్లు అధికారులు పేర్కొన్నారు. పేలుడు సంభవించిన ప్రాంతంలో ఇరుక్కుపోయినవారిని రక్షించినట్లు తెలిపారు. మృతులను ధర్మేంద్ర, మిశ్రాల్​గా గుర్తించినట్టు స్పష్టం చేశారు.

ఇదీ చదవండి:కోర్టు ఆదేశించినా.. నిందితుడిని వదిలేసిన పోలీసులు