Male Pillion Riders on Two-wheelers Banned: ద్విచక్ర వాహనంపై వెనుక సీటులో (పిలియన్ రైడర్) పురుషులు కూర్చోవడంపై నిషేధం విధించారు కేరళలోని పాలక్కడ్ అదనపు కలెక్టర్. ఓ ఆర్ఎస్ఎస్ వర్కర్ను ఎస్డీపీఐ కార్యకర్త హత్య చేసినట్లు భావిస్తున్న కేసులో ఈ మేరకు ఆదేశాలు జారీ చేశారు. ఇంతకీ ఏం జరిగిందంటే?
ఆర్ఎస్ఎస్ కార్యకర్త శ్రీనివాసన్ షాప్కు టూవీలర్పై ఇద్దరు వ్యక్తులు వచ్చి.. పట్టపగలే అతడిని హత్య చేశారు. ఏప్రిల్ 15న ఎస్డీపీఐ కార్యకర్త సుబెయిర్ హత్యకు ప్రతీకారంగా ఈ దారుణం జరిగినట్లు తెలుస్తోంది. 24 గంటల వ్యవధిలో జంట హత్యలు జరగడం వల్ల ఈ ప్రాంతంలో ఉద్రిక్త పరిస్థితులు నెలకొన్నాయి.
వరుస హత్యల ఈ నేపథ్యంలో పాలక్కడ్ యంత్రాంగం అప్రమత్తమైంది. ఈ క్రమంలో మరిన్ని హత్యలు జరిగే ప్రమాదం ఉందని భావించిన ఎడిషనల్ డిస్ట్రిక్ట్ మెజిస్ట్రేట్.. ఈ మేరకు ఆదేశాలు జారీ చేశారు. అయితే నిషేధం నుంచి మహిళలు, చిన్నారులకు మినహాయింపును ఇచ్చారు. ఈ ఆదేశాలు ఏప్రిల్ 20వరకు అమల్లో ఉంటాయి.
ఇదీ చూడండి: 'నా భార్యను లక్ష రూపాయలకు అమ్మేశాడు.. న్యాయం చేయండి'
