Advocate Madras high court: కరోనా మహమ్మారి కారణంగా హైకోర్టుల్లో వర్చువల్గా విచారణ జరుగుతోంది. న్యాయవాదులు ఇంటి నుంచే తమ వాదనలు వినిపిస్తున్నారు. ఈ క్రమంలోనే.. మద్రాస్ హైకోర్టుకు చెందిన ఓ అడ్వకేట్ ఆన్లైన్ విచారణలో ఓ మహిళతో అనుచితంగా ప్రవర్తించారు. కోర్టు ఆగ్రహానికి గురై సస్పెండ్ అయ్యారు.
రెండు రోజుల క్రితం వీడియో కాన్ఫరెన్సింగ్ ద్వారా మద్రాస్ హైకోర్టు సింగిల్ జడ్జ్.. ఓ కేసు విచారణ చేపట్టారు. ఈ సందర్భంలో చెన్నైకి చెందిన అడ్వకేట్ ఆర్డీ సంతాన కృష్ణన్.. ఓ మహిళతో అభ్యంతరకర రీతిలో కనిపించారు. ఆ వీడియో వైరల్గా మారింది.
హైకోర్టు న్యాయమూర్తులు జస్టిస్ పీఎన్ ప్రకాశ్, జస్టిస్ ఆర్ హేమలత.. సంతాన కృష్ణన్పై కోర్టు ధిక్కరణ చర్యలు చేపట్టారు. ఆయనపై కేసు నమోదు చేసి విచారణ చేపట్టాలని సీబీ-సీఐడీని ఆదేశించారు. డిసెంబర్ 23న నివేదిక సమర్పించాలని స్పష్టం చేశారు. సంతాన కృష్ణన్ ఎక్కడా ప్రాక్టీస్ చేయకుండా.. క్రమశిక్షణా చర్యలు చేపట్టాలని తమిళనాడు బార్ కౌన్సిల్ను ఆదేశించారు న్యాయమూర్తులు. అందుకు అనుగుణంగా అన్ని కోర్టులు, ట్రైబ్యునళ్లు, ఇతర న్యాయ సంస్థల్లో ఆ న్యాయవాదిపై నిషేధం విధించినట్లు బార్ కౌన్సిల్ ప్రకటించింది.
ఇదీ చూడండి:
ఆ హైకోర్టులో బ్రెయిలీ లిపిలోనూ ఉత్తర్వులు.. ప్రత్యేక ప్రింటర్ ఏర్పాటు
కుమార్తెను వ్యభిచారం చేయమని బలవంతం.. తల్లికి 10ఏళ్ల జైలు శిక్ష
