కశ్మీర్లో లష్కరే తోయిబా(ఎల్ఈటీ)కు చెందిన ముగ్గురు ఉగ్ర అనుచరులను అరెస్ట్ చేశాయి భద్రతా బలగాలు. బుద్గాం జిల్లాలో పట్టుబడిన వారి నుంచి.. ఆయుధాలు, మందుగుండు సామగ్రి, ఎల్ఈటీ పోస్టర్లు, ఇతర అనుమానిత వస్తువులను స్వాధీనం చేసుకున్నట్టు పోలీసులు తెలిపారు.
అరెస్ట్ అయిన వారిలో ఇద్దరు(ఆదిల్ అహ్మద్ దార్, తాహిర్ అహ్మద్ భట్) నార్బల్ వాసులుగానూ, ఒకరు(గులామ్ మహ్మద్ గోజ్రే) కవూసా ఖలీసాకు చెందినవాడిగా గుర్తించినట్టు పేర్కొన్నారు.
ఉగ్ర కమాండర్లతో సన్నిహితంగా..
ఈ ఉగ్ర అనుచరులు.. బుద్గాంలోని మాగమ్, నార్బల్, బీర్వా ప్రాంతాలలో నిషేధిత ఉగ్రసంస్థ(ఎల్ఈటీ)కు ఆయుధ రవాణా, మందుగుండు సామగ్రి, ఇతర వస్తువులను సరఫరా చేయడం సహా.. వారికి ఆశ్రయం కల్పిస్తున్నట్టు ప్రాథమిక దర్యాప్తులో వెల్లడైనట్టు తేలిందని పోలీసులు ప్రకటించారు. వీరు పాకిస్థాన్కు చెందిన ఉగ్రవాదులతో ముఖ్యంగా ఎల్ఈటీ కమాండర్ మహమ్మద్ యూసుఫ్ దార్ అలియాస్ కాంట్రో, అబ్రార్ నదీమ్ భట్లతో.. సోషల్ మీడియా ప్లాట్ఫామ్ల ద్వారా సన్నిహితంగా మెలుగుతున్నట్టు తేలిందని చెప్పారు.
ఇదీ చదవండి: వాహనంపై సీఆర్పీఎఫ్ కాల్పులు- మహిళకు గాయాలు
