తూర్పు లద్దాఖ్లోని పాంగాంగ్ సరస్సు ప్రాంతంలో సైనిక బలగాల ఉపసంహరణ నేపథ్యంలో.. భారత్-చైనాల మధ్య శనివారం కమాండర్ స్థాయిలో పదో విడత చర్చలు ప్రారంభమయ్యాయి. ఉదయం 10 గంటలకు చైనా భూభాగంలోని మాల్డో పోస్టు వద్ద ఈ భేటీ మొదలైంది.
ఈ చర్చల్లో భారత్ తరఫున లేహ్లోని 14వ క్రాప్స్ కమాండర్ లెఫ్టినెంట్ జనరల్ పీజీకే మీనన్, చైనా తరఫున మేజర్ జనరల్ లియు లిన్ పాల్గొంటున్నారు. పాంగాంగ్ సరస్సు ఉత్తర, దక్షిణ ప్రాంతాల్లో బలగాల ఉపసంహరణ పూర్తికావడం వల్ల.. మిగతా ప్రాంతాలపై ఈ చర్చల్లో దృష్టి సారించనున్నట్లు సైనిక వర్గాలు తెలిపాయి. హాట్ స్ర్పింగ్స్, గోర్గా, దేశ్పాంగ్ ప్రాంతాల్లో ఉద్రిక్తతల నివారణ చర్యలపై.. ప్రస్తుతం చర్చలు జరుగుతున్నట్లు సమాచారం.
ఇదీ చదవండి: గల్వాన్ ఘర్షణపై చైనా 'బూటకపు' వీడియో!
