జమ్ముకశ్మీర్ కుప్వారా జిల్లాలో ఓ ఉగ్ర అనుచరుడిని అధికారులు అరెస్టు చేశారు. అతని నుంచి భారీగా ఆయుధాలు, నగదుతో సహా పేలుడు పదార్థాలను స్వాధీనం చేసుకున్నట్లు తెలిపారు.
పక్కా సమాచారంతో కుప్వారా పోలీసులు.. ఆర్మీకి చెందిన 17 ఆర్‌ఆర్, 160 టీఏలతో కలిసి క్రాల్‌పోరా రేషి గుండ్ వద్ద చెక్పాయింట్ ఏర్పాటు చేశారు. ఈ క్రమంలోనే తనిఖీ నిర్వహిస్తుండగా.. ఓ వ్యక్తి తప్పించుకోవడానికి ప్రయత్నించగా పోలీసులు అతన్ని వెంబడించి పట్టుకున్నారు. అతని నుంచి 12 గ్రనేడ్లు, ఏకే-47 తుపాకులు సహా రూ.1,69,500 స్వాధీనం చేసుకున్నట్లు తెలిపారు.
అతన్ని గారారయల్ కుప్వారా నివాసి అబ్దుల్ గని లోన్ కుమారుడు అబ్దుల్ అహాద్ లోన్గా గుర్తించారు. అతనిపై కేసు నమోదు చేసి.. దర్యాప్తు చేస్తున్నట్లు పేర్కొన్నారు.
ఇదీ చూడండి: కల్తీ మద్యం తాగి ఐదుగురు మృతి
