Gujarat Girl Gang Raped: గుజరాత్ కచ్ జిల్లాలో దారుణం జరిగింది. పొలానికి వెళ్లిన బాలికను ఎత్తుకెళ్లి బలవంతంగా మద్యం తాగించి గ్యాంగ్రేప్కు పాల్పడ్డారు దుండగులు. భుజ్ శివారులో మార్చి 16న జరిగిన ఈ ఘటనకు సంబంధించి నలుగురిని అరెస్ట్ చేశామని పోలీసులు తెలిపారు.
అపస్మారకస్థితిలో పడిఉన్న బాధితురాలిని స్థానికులు సమీప ఆస్పత్రికి తరలించారని కచ్ ఎస్పీ సౌరభ్ సింగ్ తెలిపారు. బాధితురాలి ఫిర్యాదు మేరకు నిందితులను హుస్సెన్ కాకల్(35), రాహుల్ సత్వారా(19), వల్జీ వదియారా(24), మహేశ్గా (20) గుర్తించి అరెస్ట్ చేశామన్నారు.
పబ్లిక్ టాయిలెట్లోనే..
Woman Raped In Public Toilet: పబ్లిక్ టాయిలెట్లోనే ఓ మహిళపై అత్యాచారానికి పాల్పడ్డాడు ఓ వ్యక్తి. ఈ ఘటన ఉత్తర్ప్రదేశ్, ప్రతాప్గఢ్ రైల్వేస్టేషన్లో జరిగింది.
ఓ మహిళ.. తన భర్తతో కలిసి స్టేషన్లో రైలుకోసం ఎదురుచూస్తుంది. కొద్దిసేపటికి ఆమె భర్త టీకోసం వెళ్లాడు. ఈ క్రమంలో అక్కడకు వచ్చిన వ్యక్తి.. పార్కింగ్ ప్రాంతంలో స్వచ్ఛమైన టాయిలెట్ ఉందని నమ్మించి.. మహిళను అక్కడకు వెళ్లమని చెప్పాడు. మహిళ ఆ గదిలోకి వెళ్లగానే ఆమెపై అఘాయిత్యానికి పాల్పడ్డాడు. అనంతరం అక్కడినుంచి పారిపోయాడు. బాధితురాలి ఫిర్యాదు మేరకు పోలీసులు నిందితుడిపై కేసు నమోదు చేశారు.
ఇదీ చూడండి: మద్యానికి డబ్బులివ్వలేదని కన్నతల్లిని కడతేర్చిన కుమారుడు
