TN Local Body election results: తమిళనాడు స్థానిక సంస్థల ఎన్నికల ఫలితాల్లో అధికార డీఎంకే పార్టీ ఆధిక్యం ప్రదర్శిస్తోంది. ఇప్పటి వరకు ప్రకటించిన ఫలితాల్లో డీఎంకే కూటమి 19 కార్పొరేషన్లలో ఆధిక్యంలో ఉండగా, ఒక కార్పొరేషన్‌లో అన్నాడీఎంకే కూటమి ముందంజలో ఉన్నట్లు ఎన్నికల అధికారులు ప్రకటించారు. కన్యాకుమారిలోని పట్టణ పంచాయతీలో నామ్ తమిళర్ విజయం సాధించినట్లు పేర్కొన్నారు.
గ్రేటర్ చెన్నై కార్పొరేషన్ ఎన్నికల్లో 200 వార్డులకు గానూ 97 వార్డులను డీఎంకే కైవసం చేసుకుంది. మరో 12 వార్డుల్లో అన్నాడీఎంకే, 7 వార్డుల్లో కాంగ్రెస్, మూడు స్థానాల్లో స్వతంత్రులు, సీపీఎం, ఎండీఎంకేలు చెరో రెండు వార్డుల్లో గెలుపొందాయి. ఒక్క వార్డును సీపీఐ సొంతం చేసుకుంది.
109 మున్సిపాలిటీల్లో డీఎంకే , తొమ్మిది మున్సిపాలిటీల్లో అన్నాడీఎంకే ఆధిక్యంలో ఉన్నాయి. పట్టణ పంచాయతీల్లో కూడా డీఎంకే జోరు కొనసాగుతోంది. 268 స్థానాల్లో అధికార పక్షం ముందంజలో ఉండగా, 22 స్థానాల్లో అన్నాడీఎంకే ఆధిక్యం కనబరుస్తోంది.
తమిళనాడు స్థానిక సంస్థల ఎన్నికలు మొత్తంగా 21 కార్పొరేషన్లలతో పాటు 138 మున్సిపాలిటీలకు, 439 పట్టణ పంచాయతీలకు ఫిబ్రవరి 19 న జరిగాయి.
స్థానిక సంస్థల ఎన్నికల్లో డీఎంకే ఆధిక్యంతో చెన్నైలోని ఆ పార్టీ కార్యాలయం వద్ద సందడి నెలకొంది. డీఎంకే కార్యకార్తలు వేడుకలు చేసుకుంటున్నారు.
ఇదీ చూడండి:
