బస్టాండ్లో ఉన్న భార్యపై యాసిడ్ దాడి (Acid attack) చేశాడు ఓ కిరాతకుడు. తమిళనాడులోని సేలంలో ఈ ఘటన జరిగింది. చికిత్స పొందుతూ బాధితురాలు మంగళవారం మరణించింది.
ఇదీ జరిగింది..
యేసుదాస్(53), రేవతిలకు 20 ఏళ్ల క్రితం వివాహం జరిగింది. వారికి ముగ్గురు కుమారులున్నారు. భార్య భర్తల మధ్య తరచూ గొడవలు జరుగుతూ ఉండేవి. దీంతో పుట్టింటికి వెళ్లిపోయింది రేవతి.
ఈ నేపథ్యంలో ఆగస్టు 30న తల్లి అరయితో కలిసి సేలం మహిళా పోలీసు స్టేషన్లో ఫిర్యాదు చేయడానికి వెళ్లింది రేవతి. అనంతరం తిరిగి ఇంటికి వచ్చేందుకు.. ఓ పాత బస్టాండ్ వద్ద నిలబడింది.
ఈ క్రమంలోనే అక్కడికి చేరుకున్న యేసుదాస్.. రేవతి మొహంపై ఒక్కసారిగా యాసిడ్ పోసి పారిపోయాడు. ఏం జరిగిందో తెలుసుకునేలోపే ఆ మొహం మొత్తం కాలిపోయింది.
స్థానికులు 108కి కాల్ చేసి రేవతిని ఆస్పత్రికి తరలించారు. చికిత్స పొందుతూ ఆమె మంగళవారం ప్రాణాలు కోల్పోయింది.
దర్యాప్తు ప్రారంభించిన పోలీసులు యేసుదాస్ను అరెస్టు చేశారు.
ఇదీ చూడండి: భార్య జననాంగాన్ని కుట్టేసిన భర్త
