జమ్ముకశ్మీర్ సరిహద్దులో మరోమారు డ్రోన్ల సంచారం కలకలం సృష్టించింది. గురువారం రాత్రి 8:30 గంటల సమయంలో సాంబా సెక్టార్లోని మూడు ప్రాంతాల్లో డ్రోన్లు చక్కర్లు కొట్టినట్లు అధికారులు తెలిపారు. బారిబ్రాహ్మణ, చిలడ్యా, గగ్వాల్ ప్రాంతంలో డ్రోన్లను గుర్తించామన్నారు.
చిలడ్యాలో చక్కర్లు కొడుతున్న డ్రోన్పై బీఎస్ఎఫ్ బలగాలు కాల్పులు జరపగా.. ఆ డ్రోన్ పాకిస్థాన్ వైపునకు వెళ్లినట్లు అధికారులు స్పష్టం చేశారు. మరో రెండు డ్రోన్లు గాల్లోనే కనుమరుగైనట్లు తెలిపారు. ఈ డ్రోన్లు పాకిస్థాన్కు చెందినవిగా అధికారులు అనుమానిస్తున్నారు. వీటిపై పూర్తి సమాచారం తెలియాల్సి ఉందన్నారు.
ఇవీ చదవండి:
కశ్మీర్కు బాంబులతో మరో డ్రోన్- కూల్చేసిన పోలీసులు
