Gulab Jamun Paratha: వెరైటీ.. దుస్తుల్లో.. వస్తువుల్లో.. వంటకాల్లో..! ఇప్పుడు అందరూ ఏదైనా భిన్నంగా ఉండాలనే కోరుకుంటారు. అందుకోసం చేసే ప్రయత్నాలు కొన్నిసార్లు ఫలించవచ్చు లేదా బెడిసికొట్టొచ్చు. ఈ క్రమంలో ఇటీవలే సామాజిక మాధ్యమాల్లో వైరల్ అవుతున్న ఓ వంట వీడియో నెటిజన్లను ఆశ్చర్యపరుస్తోంది. అదే గులాబ్ జామూన్ పరాఠా.
ఈ వీడియోను ఇన్స్టాగ్రామ్లో ఫుడ్ బ్లాగర్ సోనియా నేగి షేర్ చేశారు. అందులో ఓ వీధి వ్యాపారి పరాఠాలో గులాబ్ జామూన్ పెట్టి.. దానిని నెయ్యిలో వేయిస్తాడు. ఆ తర్వాత దానిపై గులాబ్ జామూన్ రసం వేసి ఇస్తాడు. "నిజానికి నేను కూడా ముందు షాక్ అయ్యాను. కానీ, అది (గులాబ్ జామూన్ పరాఠా) చాలా బాగుంది" అని సోనియా కామెంట్ చేశారు.
- " class="align-text-top noRightClick twitterSection" data="
">
అయితే ఈ వీడియోకు మిశ్రమ స్పందన లభిస్తోంది. ఈ విచిత్ర వంటకాన్ని చూసి కొందరు నెటిజన్లు అసహనం వ్యక్తం చేస్తుంటే.. మరి కొందరు దానిని ట్రై చేయాలని ఆసక్తిగా ఉన్నట్లు కామెంట్ చేశారు.
ఇదీ చూడండి: Maggi: మ్యాగీని ఇలా కూడా తింటారా!
