మధ్యప్రదేశ్లో నిలువ నీడలేని అభాగ్యులపై ఇండోర్ మున్సిపాలిటీ అధికారులు ప్రవర్తించిన తీరుపై నటుడు సోనూసూద్ అసహనం వ్యక్తం చేశారు. ఆ వృద్ధులను ఆదుకునేందుకు ఆయన నడుం బిగించారు. వారికి ఇళ్లు నిర్మించేందుకు 'క్రౌడ్ ఫండింగ్' రూపంలో నిధులు సేకరించేందుకు సిద్ధమయ్యారు.
యువత తమ తల్లితండ్రులను జాగ్రత్తగా చూసుకోవాలని సోనూసూద్ కోరారు. ఇండోర్ వృద్ధుల కోసం విరాళాలు ఇవ్వాల్సిందిగా అభ్యర్థించారు.
అసలేం జరిగింది..?
ఇండోర్ నగరంలో నిరాశ్రయులైన వృద్ధుల పట్ల మున్సిపల్ సిబ్బంది అమానవీయంగా వ్యవహరించారు. నగరంలో నిలువ నీడ లేక అల్లాడుతున్న అభాగ్యులను బలవంతంగా వాహనాల్లోకి ఎక్కించి జాతీయ రహదారి పక్కన శివార్లలో వదిలేశారు. దీంతో వారంతా చలికి వణుకుతూ బిక్కుబిక్కుమంటూ గడిపారు. ఇందుకు సంబంధించిన ఓ వీడియో సామాజిక మాధ్యమాల్లో వైరల్గా మారగా.. మున్సిపల్ అధికారులు తీవ్ర విమర్శలు ఎదుర్కొన్నారు.
ఇదీ చదవండి:సుప్రీంకోర్టుకు నటుడు సోనూసూద్ కేసు
