Metro mall selling threatening letter: 'నీ షాపింగ్ మాల్ను వెంటనే అంబానీకి అమ్మేయాలి. లేదంటే చంపేస్తాం' అంటూ బెంగళూరులోని మెట్రో షాపింగ్ మాల్కు బెదిరింపు లేఖ వచ్చింది. తమిళ భాషలో ఈ లేఖ ఉంది. దీనిపై సుబ్రహ్మణ్య పోలీస్ స్టేషన్లో యాజమాన్యం ఫిర్యాదు చేసింది.
'మెట్రో' షాపింగ్ మాల్ను హెచ్సీఎల్ కంపెనీకి విక్రయించేందుకు యాజమాన్యం ప్రయత్నాలు చేస్తున్నట్లు తెలుస్తోంది. ఈ విషయంపైనే బెదిరింపు లేఖ వచ్చింది. షాపింగ్ మాల్ను రిలయన్స్ అధినేత ముకేశ్ అంబానీకి విక్రయించాలని దుండగులు బెదిరించారు. లేదంటే టాటా, విప్రో కంపెనీలకు అమ్మాలని డిమాండ్ చేశారు. అలా చేయకపోతే మెట్రో ఎండీ, సీఈఓ అరవింద్ మెదిరట్టను హత్య చేస్తామని బెదిరించారు. జర్మనీకి చెందిన మెట్రో ఏజీ హోల్సెల్లర్ కంపెనీ... మెట్రో క్యాష్ అండ్ క్యారీ పేరుతో భారత్లో కార్యకలాపాలు నిర్వహిస్తోంది. దిల్లీకి చెందిన అరవింద్.. భారత కార్యకలాపాలకు ఎండీ, సీఈఓగా వ్యవహరిస్తున్నారు.
ఇదీ చదవండి:
