దేశాన్ని టీకా కొరత వేధిస్తున్న తరుణంలో రానున్న నాలుగు నెలల వ్యాక్సిన్ ఉత్పత్తి ప్రణాళికను కేంద్రానికి సమర్పించాయి భారత్బయోటెక్, సీరం సంస్థలు. ఆగస్టు నాటికి నెలకు 10 కోట్ల టీకా డోసులు ఉత్పత్తి చేస్తామని సీరం తెలపగా.. తాము నెలకు 7.8 కోట్ల డోసులను ఉత్పత్తి చేస్తామని భారత్ బయోటెక్ చెప్పింది. ఈ రెండు సంస్థలను జూన్, జులై, ఆగస్టు, సెప్టెంబర్ నెలలకు సంబంధించి టీకా ఉత్పత్తి ప్రణాళికను వివరించాలని కేంద్ర ఆరోగ్య మంత్రిత్వ శాఖ, డ్రగ్స్ కంట్రోలర్ ఆఫ్ ఇండియాలు కోరినట్లు సంబంధిత వర్గాలు తెలిపాయి. ఈ క్రమంలో ఈ ప్రణాళికను సమర్పించినట్లు చెప్పాయి.
హైదరాబాద్కు చెందిన భారత్ బయోటెక్ సంస్థ కొవాగ్జిన్ టీకాను ఉత్పత్తి చేస్తుండగా.. ఆక్స్ఫర్డ్-ఆస్ట్రాజెనెకా అభివృద్ధి చేసిన కొవిషీల్డ్ టీకాను పుణెకు చెందిన సీరం ఇన్స్టిట్యూట్ ఆఫ్ ఇండియా ఉత్పత్తి చేస్తోంది.
జులైలో తాము 3.32 కోట్ల కొవాగ్జిన్ టీకా డోసులు ఉత్పత్తి చేస్తామని భారత్ బయోటెక్ సంస్థ డైరెక్టర్ డాక్టర్ వి.కృష్ణ మోహన్ తెలిపారు. ఈ సామర్థ్యాన్ని ఆగస్టులో 7.82 కోట్ల డోసులకు పెంచుతామని చెప్పారు. సెప్టెంబర్లోనూ ఇంతే స్థాయిలో ఉత్పత్తిని కొనసాగిస్తామని పేర్కొన్నారు. అదే సమయంలో ఆగస్టు నాటికి తాము 10 కోట్ల టీకా డోసులు ఉత్పత్తి చేస్తామని సీరం సంస్థ ప్రతినిధులు తెలిపారు.
ఇదీ చూడండి: ఉచిత టీకా కోసం మోదీకి విపక్ష నేతల లేఖ
ఇదీ చూడండి: 'టీకాల ఉత్పత్తి పెంచాలని మార్చిలోనే చెప్పాం'
