Religious Prayer in Government Office : కార్యాలయంలో ఉన్న దుష్టశక్తులను తొలగించాలంటూ ప్రభుత్వ ఉద్యోగులతో ప్రార్థనలు చేయించారు ఓ ఉన్నతాధికారి. ఈ ఘటన కేరళలోని త్రిస్సూర్లోని చిన్నారుల సంరక్షణ అధికారి కార్యాలయంలో జరిగింది. టీవీ ఛానెళ్లలో వచ్చిన వార్తల ఆధారంగా తీసుకుని ఈ విషయాన్ని దర్యాప్తు చేయాలని సబ్ కలెక్టర్ను ఆదేశించినట్లు కలెక్టర్ కృష్ణతేజ తెలిపారు.
ఇదీ జరిగింది
త్రిస్సూర్ జిల్లా చిన్నారుల సంరక్షణ అధికారి కార్యాలయంలో ఈ వివాదాస్పద ప్రార్థన జరిగింది. గత నెలలో కార్యాలయంలోని ఉద్యోగులందరినీ అత్యవసర సమావేశం కావాలని ఆదేశించిన ఓ ఉన్నత అధికారి.. మతపరంగా పవిత్రంగా భావించే ఓ పుస్తకాన్ని చేతిలో పట్టుకుని ప్రార్థన చేపట్టారు. కార్యాలయంలో దుష్టశక్తులు ఉన్నాయని.. వాటిని తొలగించాలని ప్రార్థనలు చేయాలని ఆదేశించారు. కార్యాలయంలో ఉన్నతాధికారి మినహా మిగిలినవారు ఒప్పంద ఉద్యోగులు కావడం వల్ల ఎవరూ నోరు మెదపలేదు. అయితే, తాజాగా కలెక్టర్ దృష్టికి రావడం వల్ల దర్యాప్తునకు ఆదేశించారు.
'వారిని చంపి, వండుకుని తినేసిన భార్యాభర్తలు!'.. నరబలి కేసులో షాకింగ్ నిజాలు
అంతకుముందు కేరళలోని పతనంతిట్ట జిల్లాలో మూఢ నమ్మకాలకు బలయ్యారు దంపతులు. నరబలి ఇస్తే ఆర్థికంగా లాభపడతామని ఆశపడ్డారు దంపతులు, మరో వ్యక్తి. ఈ క్రమంలో కొచ్చికి చెందిన ఇద్దరు మహిళలను నరబలి ఇచ్చి.. వారి మృతదేహాలను ముక్కలు చేసి పాతిపెట్టారు. తిరువళ్లకు చెందిన భగవంత్ సింగ్, అతని భార్య లైలా ఈ దారుణానికి పాల్పడ్డారు. వీరికి మహ్మద్ షఫీ అనే మరో వ్యక్తి తోడయ్యాడు. మహ్మద్ షఫీ.. సోషల్ మీడియాలో కొచ్చికి చెందిన ఇద్దరు మహిళలతో స్నేహం చేశాడు. సెప్టెంబరు 26వ తేదీన ఇద్దరు మహిళలను కిడ్నాప్ చేశాడు. అనంతరం భగవంత్ సింగ్ దంపతులతో కలిసి బలి ఇచ్చాడు. మాంత్రికుడి సూచనల మేరకు మృతుల శరీర భాగాల్ని వండుకుని మరీ తిన్నారు. ఈ ఘటనలో ముగ్గురు నిందితుల్ని పోలీసులు అరెస్టు చేశారు. మృతులను పద్మం (52), రోస్లి(50)గా గుర్తించారు. పూర్తి వార్త కోసం ఇక్కడ క్లిక్ చేయండి
చిన్ని చేతులే ఆపన్నహస్తాలు.. పేదరిక నిర్మూలనకు తెలుగు కలెక్టర్ కృషి
Kerala Blast Today : కన్వెన్షన్ సెంటర్లో భారీ పేలుడు.. అనేక మందికి గాయాలు.. ఉగ్రదాడి?
