జయలలిత నెచ్చెలి శశికళ మేనల్లుడు, ఏఎంఎంకే ప్రధాన కార్యదర్శి టీటీవీ దినకరన్.. కోవిల్పట్టు అసెంబ్లీ నియోజవర్గం నుంచి పోటీ చేయనున్నారు. అదే స్థానం నుంచి జయలలిత పార్టీ.. అన్నాడీఎంకే అభ్యర్థి , మంత్రి కాదంబర్ రాజు పోటీపడుతున్నారు. దాంతో అందరి దృష్టి కోవిల్పట్టుపైనే ఉంది.
అమ్మ మక్కల్ మున్నేట్ర కళగం(ఏఎంఎంకే) పార్టీ 50 మందితో కూడిన రెండో జాబితాను విడుదల చేసింది. కాగా అన్నాడీఎంకే అభ్యర్థి కాదంబర్ రాజు కోవిల్ పట్టు నియోజక వర్గం నుంచి వరుసగా రెండు సార్లు(2011, 2016) గెలిచారు. జయలలిత మరణంతో ఖాళీ అయిన రాధాకృష్ణ నగర్కు 2017లో ఉపఎన్నిక జరగగా దినకరన్ ఆ స్థానంలో గెలుపొందారు.
15మందితో కూడిన అభ్యర్థుల తొలి జాబితాను ఏఎంఎంకే పార్టీ ప్రధాన కార్యదర్శి దినకరన్ మార్చి 10వ తేదీన వెల్లడించారు. మామాజీ ఎమ్మెల్యే పీ పలనిప్పన్, ఎమ్. రంగస్వామి, జీ.సెంతమిళన్, సీ షణ్ముగవేలు, ఎన్జీ పార్థిబాన్లు ఆ జాబితాలో ఉన్న ప్రముఖులు.
రాష్ట్రంలో 234 సీట్లకు ఏప్రిల్ 6న ఎన్నికలు జరగనున్నాయి. మే 2న ఫలితాలు వెలువడనున్నాయి.
ఇదీ చూడండి: దినకరన్ కలలు నెరవేరవు: పళనిస్వామి
