కర్ణాటక మైసూరులో బిచ్చమెత్తుకుని పూటగడిపే ఓ మహిళపై ఐదుగురు మృగాళ్లు అత్యాచారానికి పాల్పడి.. ఆమెను దారుణంగా హత్య చేశారు. మైసూరు నడిబొడ్డున కె.టి.స్ట్రీట్లో ఫిబ్రవరి 15న రాత్రి.. ఆ మహిళ బిచ్చమెత్తుకుంటూ తిరుగుతున్న సమయంలో ఆమెకు మద్యం తాగించి, వారూ తాగి ఈ దారుణానికి ఒడిగట్టారా కీచకులు. వీరిలో నలుగురు నిందితులు రఫిక్, మంజునాథ్, కృష్ణ, రేవణ్ణలను అరెస్టు చేశారు పోలీసులు. మరొకరు.. పరారీలో ఉన్నట్లు వెల్లడించారు.
మంగళవారం ఉదయం 5 గంటల సమయంలో ఈ విషయం వెలుగులోకి వచ్చింది. ఈ దారుణ ఘటన జరిగిన స్థలాన్ని పోలీసులు పరిశీలించారు. దగ్గర్లోని సీసీ టీవీ కెమెరాల సాయంతో కొన్ని ఆధారాలు సేకరించారు. ఘటనపై కేసు నమోదు చేశారు.
ఇదీ చదవండి:భర్త నుంచి విడిపోయిన మహిళపై అమానుష దాడి
