సన్నిహితులు, పాత్రికేయ ప్రముఖులు సహా మరికొంత మందిని ట్విట్టర్లో అన్ఫాలో చేశారు కాంగ్రెస్ నేత రాహుల్ గాంధీ. ఆయన అకస్మాత్తుగా తీసుకున్న ఈ నిర్ణయం వెనుక కారణం తెలియరాలేదు. దాదాపు 50 ఖాతాలను అనుసరించడం మానేసినట్లు సమాచారం. ఈ వార్త ప్రస్తుతం.. కాంగ్రెస్లో చర్చనీయాంశంగా మారింది.
ఆయన అన్ఫాలో చేసిన అకౌంట్లలో.. ఇటీవల మరణించిన కాంగ్రెస్ నేతలు అహ్మద్ పటేల్, తరుణ్ గొగొయి ఖాతాలూ ఉన్నాయి.
రాహుల్కు ట్విట్టర్లో కోటీ 80 లక్షల మందికిపైగా ఫాలోవర్లు ఉన్నారు. ఆయన.. ప్రస్తుతం 220 మందిని అనుసరిస్తున్నారు. ఇందులో ఎక్కువగా రాజకీయ నాయకులే ఉన్నారు. సామాజిక మాధ్యమాల్లో చురుగ్గా ఉండే రాహుల్.. ట్విట్టర్ ద్వారా తరచూ కేంద్ర ప్రభుత్వ విధానాలను ప్రశ్నిస్తుంటారు.
ఇదీ చూడండి: బ్లాక్ ఫంగస్పై కేంద్రానికి రాహుల్ మూడు ప్రశ్నలు
