వ్యవసాయ ఉత్పత్తులను కనీస మద్దతు ధర కంటే తక్కువకు కొనే వ్యాపారస్థులను, విక్రేతలను జైలుకు పంపించాలని డిమాండ్ చేశారు భారతీయ కిసాన్ యూనియన్ జాతీయ అధ్యక్షుడు నరేశ్ టికైత్. గత కొద్దిరోజులుగా దిల్లీ సరిహద్దుల్లో రైతులు చేస్తోన్న ఆందోళనల నేపథ్యంలో ఆయన ఈ వ్యాఖ్యలు చేశారు. రైతు సంఘాల నేతలతో.. కేంద్రం చర్చలు జరుపుతుండగా ఈ వ్యాఖ్యలు ప్రాధాన్యం సంతరించుకున్నాయి.
ఇందుకు సంబంధించి ప్రభుత్వం హామీ ఇవ్వాలన్నారు. కేంద్రం తీసుకొచ్చిన కొత్త చట్టాల్లో ఇలాంటి నిబంధన ఉండేలా చూడాలన్నారు. మద్దతు ధర అనేది రైతులు జీవన్మరణ సమస్య అని పేర్కొన్నారు నరేశ్.
