అస్వస్థతతో ఆసుపత్రికి రాష్ట్రపతి..మోదీ ఆరా

రాష్ట్రపతి రామ్​నాథ్ కోవింద్​ ఛాతీలో స్వల్ప అసౌకర్యంతో దిల్లీలోని ఆర్మీ ఆసుపత్రిలో చేరారు. కోవింద్​ ఆరోగ్యంపై ఫోన్​ ద్వారా ఆరా తీశారు ప్రధానమంత్రి నరేంద్ర మోదీ.

రాష్ట్రపతి రామ్​నాథ్​ కోవింద్‌ స్వల్ప అస్వస్థతకు గురయ్యారు. ఛాతిలో నొప్పితో దిల్లీలోని ఆర్మీ ఆసుత్రిలో చేరారు కోవింద్​.

వైద్య పరీక్షలు నిర్వహించిన వైద్యులు.. కోవింద్ ఆరోగ్యం నిలకడగా ఉందన్నట్లు వెల్లడించారు. ప్రస్తుతం వైద్యుల పర్యవేక్షణలో చికిత్స పొందుతున్నారు రాష్ట్రపతి.

కోవింద్​ ఆరోగ్యంపై మోదీ ఆరా

రాష్ట్రపతి రామ్​నాథ్​ కోవింద్​ ఆసుపత్రిలో చేరిన క్రమంలో ఆయన కుమారుడికి ఫోన్​ చేసి ఆరోగ్యంపై ఆరా తీశారు ప్రధానమంత్రి నరేంద్ర మోదీ. ఈ మేరకు ట్వీట్​ చేసింది ప్రధానమంత్రి కార్యాలయం.

" రాష్ట్రపతి కుమారుడికి మోదీ ఫోన్​ చేసి మాట్లాడారు. కోవింద్​ ఆరోగ్యం గురించి ఆరా తీశారు. క్షేమంగా ఉండాలని ప్రార్థించారు. "

- ప్రధానమంత్రి కార్యాలయం