Pragyan Vikram Names to Babies : చంద్రయాన్ 3 ప్రయోగం విజయవంతమైన వేళ.. అందులోని ల్యాండర్ విక్రమ్, రోవర్ ప్రగ్యాన్ పేర్లను తమకు పుట్టిన పిల్లలకు పెట్టుకున్నారు దంపతులు. ఇస్రో జరిపిన చంద్రయాన్ 3 ప్రయోగ విజయానికి గుర్తుగా ఇలా తమ పిల్లలకు పేర్లు పెట్టుకుని శాస్త్రవేత్తలకు శుభాకాంక్షలు తెలిపాయి కర్ణాటకకు చెందిన రెండు జంటలు.
ఇదీ జరిగింది
వడేగరా ప్రాంతంలో నివాసం ఉండే బాలప్ప-నాగమ్మ, నింగప్ప-శివమ్మ దంపతులు ఒకే కుటుంబానికి చెందిన వారు. వీరు తమ చిన్నారులకు విక్రమ్, ప్రగ్యాన్ అనే పేర్లు పెట్టాకున్నారు. బాలప్ప-నాగమ్మ దంపతులు తమ చిన్నారికి 'విక్రమ్' అని పేరు పెట్టుకోగా.. నింగప్ప-శివమ్మ వారి శిశువుకు 'ప్రగ్యాన్'గా నామకరణం చేశారు. చిన్నారి విక్రమ్ జూన్ 28న జన్మించగా.. ఆగస్టు 14న ప్రగ్యాన్ పురుడు పోసుకున్నాడు. వీరిద్దరికి ఆగస్టు 24న ఒకేసారి నామకరణ వేడుకులు నిర్వహించి ఈ పేర్లు పెట్టారు. విక్రమ్ అబ్బాయని, ప్రగ్యాన్ అమ్మాయని వారు తల్లిదండ్రులు పేర్కొన్నారు.
Chandrayaan 3 Latest News : చంద్రయాన్ 3 ప్రయోగం విజయంవంతమైన వేళ.. ఇస్రోకు ఈ విధంగా శుభాకాంక్షలు తెలిపామని చిన్నారులు తల్లిదండ్రులు తెలిపారు. ఈ చారిత్రక విజయానికి గుర్తుగానే తమ చిన్నారులకు రోవర్, ప్రజ్ఞాన్ పేర్లు పెట్టుకున్నట్లు వెల్లడించారు. వ్యవసాయ కుటుంబానికి చెందిన ఈ దంపతుల జంటలు.. చంద్రయాన్ ప్రయోగ సమయంలోనే తమ పిల్లలు జన్మించడంపై ఆనందం వ్యక్తం చేస్తున్నారు.
Chandrayaan 3 Successfully Landed On Moon : ఆగస్టు 23 సాయంత్రం 6:04 గంటలకు చంద్రయాన్ 3 విక్రమ్ ల్యాండర్ విజయవంతంగా సాఫ్ట్ ల్యాండింగ్ అయింది. 17 నిమిషాలపాటు నరాలు తెగే ఉత్కంఠ మధ్య సాఫ్ట్‌ల్యాండింగ్‌ ప్రక్రియ జరిగింది. ఈ క్రమంలో భూమిపై నుంచి ఎలాంటి నియంత్రణ లేకుండానే ఆటోమేటిక్ ల్యాండింగ్ సీక్వెన్స్- ALS కమాండ్‌తో సాఫ్ట్ ల్యాండింగ్ అయింది. అనంతరం విక్రమ్ ల్యాండర్ చంద్రుడి ఉపరితలం మొదటి ఫొటోను పంపింది. కొన్ని గంటల తర్వాత ల్యాండర్ నుంచి ప్రగ్యాన్ రోవర్ బయటకు వచ్చి తన పని మొదలు పెట్టింది.
Chandrayaan 3 Landing Success Wishes : చంద్రయాన్-3 సక్సెస్తో నా జీవితం ధన్యమైంది : ప్రధాని మోదీ
