తూర్పు, దక్షిణ చైనా సముద్రంలో నెలకొని ఉన్న యథాతథ స్థితిని మార్చడానికి చైనా ఏకపక్ష నిర్ణయాలు తీసుకుంటుందని.. అది ఏ మాత్రం సహించదగింది కాదని అన్నారు జపాన్ ప్రధానమంత్రి సుగా. చైనా తీసుకువచ్చిన కొత్త కోస్ట్గార్డ్ చట్టం, హాంకాంగ్, షిన్జియాంగ్, ఉయ్ఘర్ను వారి అనుబంధ ప్రాంతాలుగా ప్రకటించడాన్ని తీవ్రంగా ఆక్షేపించారు. ఈ మేరకు ప్రధాని నరేంద్ర మోదీతో ఫోన్లో సంభాషించారు.
భారత్-జపాన్ ద్వైపాక్షిక సంబంధాలపై ఇరు దేశాల ప్రధానులు చర్చించారు. భద్రత, రక్షణ వంటి రంగాల్లో పరస్పర సహకారం కొనసాగించాలని తీర్మానించారు.
పీఎం సుగా, నరేంద్రమోదీ మధ్య జరిగిన చర్చల సఫలమైనట్లు భారత్లోని జపాన్ రాయబారి తెలిపారు. ఇండో-పసిఫిక్ ప్రాంతాభివృద్ధిలో ఇరు దేశాల పాత్రపై మాట్లాడినట్లు పేర్కొన్నారు.
