PM Modi News: కరోనా బారిన పడ్డ కర్ణాటక ముఖ్యమంత్రి బసవరాజు బొమ్మై, బిహార్ సీఎం నితీశ్ కుమార్లను ప్రధాని నరేంద్ర మోదీ మంగళవారం పరామర్శించారు. ఫోన్ ద్వారా ముఖ్యమంత్రులను పరామర్శించిన మోదీ.. వారి ఆరోగ్య పరిస్థితి గురించి అడిగి తెలుసుకున్నారు. మహమ్మారి నుంచి వేగంగా కోలుకోవాలని ప్రధాని ఆకాంక్షించినట్లు అధికార వర్గాలు తెలిపాయి.
సాయంత్రం సుమారు 4.30 గంటలకు మోదీ బొమ్మైకు ఫోన్ చేశారని.. దాదాపు 5 నిమిషాలు ప్రధాని మాట్లాడినట్లు అధికారులు వెల్లడించారు. ఇందులో భాగంగా రాష్ట్రంలో కొవిడ్ కట్టడికి తీసుకుంటున్న చర్యలపై కూడా మోదీ ఆరా తీశారని.. మహమ్మారిని అదుపు చేసేందుకు అన్ని విధాల కృషి చేస్తున్నట్లు బొమ్మై స్పష్టం చేశారన్నారు.
వీరితో పాటు ఇటీవల కరోనా సోకిన దిగ్గజ గాయని లతా మంగేష్కర్ ఆరోగ్యంపై కూడా మోదీ ఆరా తీశారు. ప్రస్తుతం ఆమె ఆసుపత్రిలో చికిత్స పొందుతున్నారు.
- రక్షణ మంత్రి రాజ్నాథ్ సింగ్ కరోనా నుంచి కోలుకుంటున్నట్లు ప్రభుత్వం మంగళవారం వెల్లడించింది. ప్రస్తుతం రాజ్నాథ్ హోంక్వారంటైన్లో ఉన్నారని.. వైద్యుల పర్యవేక్షణలో చికిత్స పొందుతున్నట్లు తెలిపింది.
ఇదీ చూడండి : యూపీలో భాజపాకు షాక్- మంత్రి, ముగ్గురు ఎమ్మెల్యేల గుడ్బై
