PM Kisan 10th Installment: ప్రధాన మంత్రి కిసాన్ సమ్మాన్ నిధి (పీఎం-కిసాన్) పథకానికి సంబంధించి 10వ విడత నిధులను ప్రధాని నరేంద్రమోదీ విడుదల చేయనున్నారు. 2022, జనవరి 1న 10కోట్లకు పైగా రైతు కుటుంబాలకు రూ. 20వేల కోట్లు అందనున్నాయి.
ఈ నిధులు నేరుగా రైతుల బ్యాంకు ఖాతాల్లో డిపాజిట్ చేస్తామని ప్రధానమంత్రి కార్యాలయం పేర్కొంది. ఇప్పటివరకు రూ. 1.6లక్షల కోట్లను రైతు కుటుంబాలకు అందించామని తెలిపింది.
ఈ పథకం కింద కేంద్రం.. ఏటా రైతు కుటుంబాలకు రూ.6000ను.. మూడు విడతల్లో రూ.2000 చొప్పున అందిస్తోంది.
FPO Kisan Yojana: ఈ కార్యక్రమంలో భాగంగా.. 351 రైతు ఉత్పత్తి సంస్థలకు(ఎఫ్పీఓ) రూ. 14 కోట్లు ఈక్విటీ గ్రాంటు అందించనున్నారు ప్రధాని మోదీ. ఈక్విటీ గ్రాంట్ వల్ల 1.24లక్షల మందికి పైగా రైతులకు లబ్ధి చేకూరనుంది.
ఇదీ చూడండి: 'ఇమ్యూనిటీని ఏమార్చే సామర్థ్యం ఒమిక్రాన్కు ఎక్కువే'
