సాగు చట్టాలకు వ్యతిరేకంగా రైతులు చేస్తోన్న రహదారుల దిగ్బంధాన్ని(చక్కా జామ్) సత్యాగ్రహంతో పోల్చారు కాంగ్రెస్ మాజీ అధ్యక్షులు రాహుల్ గాంధీ. దేశ హితం కోసం రైతులు చేస్తోన్న శాంతియుత సత్యాగ్రహం ఇదని పేర్కొన్నారు. కొత్త వ్యవసాయ చట్టాలు రైతులకే కాదు దేశ ప్రజలందరికీ హానికరమని అన్నారు. తక్షణమే నూతన వ్యవసాయ చట్టాలను రద్దు చేయాలని కేంద్రాన్ని డిమాండ్ చేశారు.
చక్కా జామ్ నేపథ్యంలో దిల్లీ రహదారులలో భారీ ఎత్తున ఇనుప కంచె ఏర్పాటు చేయడంపై కాంగ్రెస్ ప్రధాన కార్యదర్శి ప్రియాంక గాంధీ మండిపడ్డారు. రైతులను చూసి ప్రభుత్వం ఎందుకు భయపడుతోందని ప్రశ్నించారు.
ఇదీ చూడండి: దిల్లీ సరిహద్దుల్లో 50 వేల మంది బలగాల మోహరింపు
