పాక్​లో ఒకరు.. భారత్​లో మరొకరు.. 75ఏళ్లకు కలిసిన సోదరులు.. ఏడాదికే ఒకరి మృతి

1947లో పాకిస్థాన్​-భారత్​ విభజన కారణంగా ఇద్దరు సోదరులు విడిపోయారు. దాదాపు 75 ఏళ్ల తర్వాత 2022లో కలిశారు. కానీ వారి సంతోషం ఎక్కువ కాలం లేదు. కలిసిన ఏడాదికే పాకిస్థాన్​లో ఉన్న సోదరుడు మరణించారు.

దేశ విభజన సమయంలో విడిపోయి.. 75 ఏళ్ల తర్వాత కలుసుకున్న ఇద్దరు సోదరులలో ఒకరు ప్రాణాలు కోల్పోయారు. చిన్నప్పుడు విడిపోయిన ఈ సోదరులు.. 2022లో ఇద్దరు కలుసుకుని సంతోషంగా గడిపారు. కానీ వారి సంతోషం ఎక్కువ కాలం నిలవలేదు. మూడు రోజుల క్రితం పాకిస్థాన్​లో నివసిస్తున్న సోదరుడు సిద్దిఖీ కన్నుమూశారు.

పంజాబ్​ బఠిండాకు చెందిన సికా ఖాన్​, మహ్మద్ సిద్దిఖీ ఇద్దరు సోదరులు. 1947 దేశ విభజన సమయంలో ఇద్దరు విడిపోయారు. అప్పటికి ఆరేళ్ల వయసున్న మహ్మద్ సిద్ధిఖీ తండ్రితో పాకిస్థాన్​ ఉండగా.. మరో సోదరుడు సికా ఖాన్..​ తల్లితో కలిసి పంజాబ్​లో ఉన్న బంధువుల ఇంట్లో ఉండిపోయారు. ఆ తర్వాత అనివార్య కారణాల వల్ల పాకిస్థాన్​కు వెళ్లలేదు. ఇలా దాదాపు 75 ఏళ్లుగా ఇద్దరు సోదరులు వేర్వేరు దేశాల్లో నివసించారు.

అయితే, గతేడాది ఈ సోదరుల గురించి తెలుసుకున్న పాకిస్థాన్​కు చెందిన సోషల్​ మీడియా ఇన్​ఫ్ల్యుయెన్సర్​ నాజీర్ థిల్లాన్​ వీరిని కలిపేందుకు ప్రయత్నాలు చేపట్టారు. పాకిస్థాన్​ ఎంబసీ ద్వారా సికాకు వీసా ఇప్పించారు. 2022 జనవరిలో ఇద్దరిని కర్తార్​పుర్ కారిడార్​లో కలిపారు. అయితే, మూడు రోజుల క్రితం ఆయన సోదరుడు మహ్మద్ సిద్దిఖీ మరణించారు.

మహ్మద్ సిద్ధిఖీ (ఎడమ), సికా ఖాన్(కుడి)

తన సోదరుడు చనిపోయారన్న విషయం తెలుసుకున్న సికా ఖాన్.. తీవ్ర సంతాపం వ్యక్తం చేశారు. సోదరుడి కుటుంబాన్ని చూసేందుకు పాకిస్థాన్​కు పయనమయ్యారు సికా. ఇందుకోసం దిల్లీకి వెళ్లి వీసా దరఖాస్తు చేసుకునేందుకు ప్రయత్నాలు చేసుకుంటున్నారు. తన సోదరుడు నిండు నూరేళ్లు జీవించాలని కోరుకున్నానని.. కానీ ఆయన విధిరాత వేరేలా ఉందని సికా ఆవేదన వ్యక్తం చేశారు.

బంగ్లాదేశ్​లో సోదరి.. భారత్​లో మరణించిన సోదరుడు..
అంతకుముందు బంగ్లాదేశ్​లో మరణించిన సోదరుడిని చూసి నివాళులు అర్పించాలని ఎదురుచూసిన ఓ సోదరి కోరికను నెరవేర్చారు బీఎస్​ఎఫ్​ అధికారులు. సబర్‌ఖాన్ అనే ఓ యువతి బంగ్లాదేశ్​లో నివసిస్తోంది. అయితే భారత్​లో నివసిస్తున్న తన సోదరుడు మరణించాడనే విషయం ఆమెకు తెలిసింది. కానీ, భారత్​-బంగ్లాదేశ్ రెండు వేర్వేరు దేశాలు వేరు కావడం వల్ల ​పలు భద్రతా కారణాలతో అనేక ప్రక్రియలు దాటాలి. దీంతో సోదరుడిని చివరిసారిగా చూసేందుకు వీలు లేకుండా పోతుందని ఆవేదన వ్యక్తం చేసింది. ఈ క్రమంలో సబర్‌ఖాన్​కు.. భారత్ - బంగ్లాదేశ్ సరిహద్దు ప్రాంతంలో ఉండే అమినుద్దీన్​ అనే ఓ మంచి మిత్రుడు దొరికాడు. అతడి సహకారంతో బీఎస్​ఎఫ్​ సౌత్ బంగాల్ ఫ్రాంటియర్ ప్రతినిధి ఏకే ఆర్యని కలిశారు. పూర్తి వార్త కోసం ఇక్కడ క్లిక్ చేయండి.

ఇవీ చదవండి : భారత్‌లో అక్క.. పీఓకేలో తమ్ముడు.. 75 ఏళ్ల తర్వాత కలుసుకుని కన్నీళ్లు