పెద్ద ఎత్తున గంజాయి సీజ్​.. గూడ్స్​ ట్రక్కులో, ఇంట్లో 3వేల కిలోలకుపైనే..

3000kgs Ganza Seized: దేశంలో పలు ప్రాంతాల్లో మాదక ద్రవ్య నిరోధక శాఖ అధికారులు, పోలీసులు కలిసి చేపట్టిన విస్తృత సోదాల్లో.. భారీగా గంజాయి పట్టుబడింది. 3,062 కేజీలు స్వాధీనం చేసుకున్న అధికారులు.. ఇద్దరిని అరెస్టు చేశారు.

Ganza Seized: బంగాల్​లో మాదక ద్రవ్యాల నిరోధక శాఖ, పోలీసులు సంయుక్తంగా చేపట్టిన సోదాల్లో 1582 కిలోల గంజాయి పట్టుబడింది. కూచ్​ బెహర్​ జిల్లాలోని సరిహద్దు గ్రామంలో ఓ ఇంట్లో అక్రమంగా నిల్వ ఉంచిన 1582 కిలోల గంజాయిని స్వాధీనం చేసుకున్నట్లు పోలీసులు శనివారం తెలిపారు. ఒకరిని అరెస్ట్​ చేశామని, కోర్టులో హాజరుపరుస్తామని చెప్పారు. దర్యాప్తు చేపడుతున్నామన్నారు.

ఇంట్లో నిల్వ ఉంచిన గంజాయిని స్వాధీనం చేసుకున్న అధికారులు

గూడ్స్​ క్యారియర్​లో గంజాయి.. గూడ్స్ క్యారియర్​లో అక్రమంగా తరలిస్తున్న 1480 కేజీల గంజాయిని అసోం పోలీసులు సీజ్​ చేశారు. ఆ క్యారియర్​ డ్రైవర్‌ను సైతం అరెస్ట్​ చేశారు. శనివారం సాయంత్రం, కరీంగంజ్ జిల్లాలోని​ చురైబారి ప్రాంతంలో పొరుగు రాష్ట్రం నుంచి వస్తున్న గూడ్స్ క్యారియర్​పై అనుమానం వచ్చి తనిఖీలు చేపట్టారు. 74 చిన్న బాక్సుల్లో ప్యాక్ చేసిన 1480 కిలోల గంజాయిని గుర్తించి పోలీసులు స్వాధీనం చేసుకున్నారు. గత నెలలో.. ఇదే జిల్లాలో ట్రక్కులో తరలిస్తున్న 1183 కిలోల గంజాయిని పట్టుకున్నారు.

బాక్సుల్లో గంజాయి

ఇవీ చదవండి: ఆ జవాన్​ హత్యకు ప్రతీకారం​- ముగ్గురు ఉగ్రవాదులు హతం