MP Woman raped: మధ్యప్రదేశ్ రాజ్గఢ్లో ఓ మహిళపై ఇద్దరు వ్యక్తులు అత్యాచారానికి పాల్పడ్డారు. కుటుంబ సభ్యులతో కలిసి కారులో విహారానికి వెళ్లి.. తిరిగి వస్తున్న సమయంలో ఈ ఘటన జరిగింది.
రఘోగఢ్ పోలీస్ స్టేషన్ పరిధిలోని ఆరోన్ రోడ్లో తమ వాహనాన్ని ఇద్దరు వ్యక్తులు అడ్డగించారని బాధితురాలు.. పోలీసు కంప్లైంట్లో పేర్కొన్నారు. తన భర్త తలకు తుపాకీ గురిపెట్టారని చెప్పారు. అనంతరం తనను పొదల్లోకి లాక్కెళ్లి అత్యాచారం చేశారని తెలిపారు.
నిందితులు.. తమని తాము సోను, సుమేర్ అని పిలుచుకున్నారని బాధితురాలు వెల్లడించారు. ఈ వివరాల ఆధారంగా దర్యాప్తు చేపట్టిన పోలీసులు.. సోనూ యాదవ్(32), సుమేర్ సింగ్ పర్మార్(30)లను అరెస్టు చేశారు.
యూపీలో దళిత బాలికపై..
Dalit girl rape UP: ఉత్తర్ప్రదేశ్ కురారా గ్రామంలో దళిత బాలికపై అత్యాచారం జరిగిన ఘటనలో 22ఏళ్ల వ్యక్తిని పోలీసులు అరెస్టు చేశారు. ఈ ఘటనకు సంబంధించి.. మరో నిందితుడి జాడ తెలియాల్సి ఉంది.
డిసెంబర్ 31 రాత్రి ఈ ఘటన జరిగిందని అదనపు ఎస్పీ అనూప్ కుమార్ తెలిపారు. బాలిక టాయిలెట్కు వెళ్లిన సమయంలో అదే గ్రామానికి చెందిన ఇద్దరు యువకులు యువతిని బలవంతంగా లాక్కెళ్లారని చెప్పారు. నాటు తుపాకులతో బెదిరించి.. నిర్మానుష్య ప్రదేశానికి తీసుకెళ్లారని తెలిపారు. మత్తు మందులు ఇచ్చి బాలికపై అత్యాచారం చేశారని చెప్పారు. ఆదివారం ఉదయం ఇంటికి చేరుకున్న బాలిక.. జరిగిన విషయాన్ని తన తల్లికి వివరించిందని తెలిపారు.
బాలిక తండ్రి ఇచ్చిన ఫిర్యాదు ఆధారంగా ఆదివారం సాయంత్రం ఎఫ్ఐఆర్ నమోదు చేసుకున్నట్లు అదనపు ఎస్పీ వెల్లడించారు. బాలికను వైద్య పరీక్షల కోసం తరలించినట్లు చెప్పారు. మరో నిందితుడిని పట్టుకునేందుకు ప్రయత్నిస్తున్నామన్నారు.
ఇదీ చదవండి: 'మహిళల వేలం' యాప్ కేసులో 21ఏళ్ల ఇంజినీరింగ్ విద్యార్థి అరెస్ట్
