సిగ్నల్స్ కోసం జయింట్ వీల్ ఎక్కిన మంత్రి
అధికారులతో సంప్రదింపులు జరిపేందుకు మధ్యప్రదేశ్కు చెందిన ఓ మంత్రి 50 అడుగుల ఎత్తు ఉండే జయింట్ వీల్ ఎక్కారు. అధికారులతో రెండు గంటల పాటు చర్చించారు. ఇది వినడానికి ఆశ్చర్యంగా ఉన్నా అందుకు కారణం లేకపోలేదు.
బ్రిజేంద్ర సింగ్ యాదవ్ ప్రస్తుతం అశోక్నగర్ జిల్లా సురేల్ గ్రామంలో పర్యటిస్తున్నారు. అయితే ఆ గ్రామంలో సరైన నెట్వర్క్ లేదు. గ్రామస్థుల సమస్యలు పరిష్కరించేందుకు అధికారులను సంప్రదించాల్సి వస్తే ఇలా కొంత ఎత్తుకు వెళ్లక తప్పట్లేదని యాదవ్ తెలిపారు.
"నేను ఇక్కడ తొమ్మిది రోజులు ఉండాలి. కానీ ఇక్కడ సిగ్నల్స్ సమస్య తీవ్రంగా ఉంది. స్థానికంగా ఉన్న జయింట్ వీల్ ఎక్కి కొంత ఎత్తు చెరుకుంటే సిగ్నల్స్ దొరుకుతున్నాయి."
-బ్రిజేంద్ర సింగ్ యాదవ్
ఇదీ చదవండి : పుదుచ్చేరి: బలపరీక్షలో ఓడిన సీఎం.. కూలిన ప్రభుత్వం
