పెట్రోల్ చౌకగా కావాలంటే అఫ్గానిస్థాన్ వెళ్లాలంటూ వివాదాస్పద వ్యాఖ్యలు చేశారు మధ్యప్రదేశ్కు చెందిన భాజపా నేత. ధరల పెరుగుదలపై మీడియా అడిగిన ప్రశ్నకు సమాధానంగా కటనీ జిల్లా పార్టీ అధ్యక్షుడు రామ్రతన్ పాయల్ ఈ మేరకు బదులిచ్చారు.
"ధరలు పెరుగుతున్నాయా? అయితే తాలిబన్ల చోటుకు వెళ్లండి. అక్కడ పెట్రోల్ రూ.50కే దొరుకుతుంది. కానీ దానిని కొనేవారున్నారా? కనీసం మన దగ్గర శాంతియుత పరిస్థితులున్నాయి. మోదీ హయాంలో దేశం అభివృద్ధి చెందుతోంది" అని రామ్రతన్ అన్నారు.
దుమారం రేపుతున్న భాజపా నేత వ్యాఖ్యలు
ఇక కరోనా మూడో ముప్పు పొంచి ఉన్న నేపథ్యంలో ధరల పెరుగుదల గురించి అడగడమేంటని రామ్రతన్ అసహనం వ్యక్తంచేశారు. దేశంలో ప్రస్తుత పరిస్థితులు ఎలా ఉన్నాయో తెలుసా? అని అడిగారు. కాగా, ఆయనే మాస్కు పెట్టుకోకుండా తిరగుతున్నారని పలువురు ఆరోపణలు చేశారు.
ఇదీ చూడండి: పెట్రోల్ ధరలను గత ప్రభుత్వంలా మేం తగ్గించలేం: నిర్మల
