పాక్ యువకుడితో ప్రేమ.. దేశం దాటి వెళ్లేందుకు యత్నం.. అధికారులు అడ్డుపడి..

MP girl eloping for Pakistan: పాకిస్థాన్ యువకుడితో ప్రేమలో పడి.. అతడి కోసం దేశం దాటి వెళ్లేందుకు యత్నించింది ఓ యువతి. మధ్యప్రదేశ్​కు చెందిన ఆమెకు ఫేస్​బుక్​లో యువకుడు పరిచయమయ్యాడు. అతడి కోసమే పాకిస్థాన్ వెళ్లేందుకు ప్రయత్నించి విఫలమైంది.

Madhya Pradesh girl going Pakistan: మధ్యప్రదేశ్​కు చెందిన ఓ యువతి పాకిస్థాన్ యువకుడితో ప్రేమలో పడి.. అట్టారీ వాఘా సరిహద్దు ద్వారా దేశం దాటేందుకు ప్రయత్నించింది. పాస్​పోర్ట్, ధ్రువపత్రాలన్నింటినీ వెంటబెట్టుకొని సరిహద్దుకు వెళ్లిన ఆమెను కస్టమ్స్ అధికారులు గుర్తించి అడ్డుకున్నారు. అనంతరం ఆమెను అదుపులోకి తీసుకొని పంజాబ్ అమృత్​సర్​లోని ఘరిండా పోలీస్ స్టేషన్​కు తరలించారు.

దేశం దాటి వెళ్లేందుకు యత్నించిన యువతి

ఆమెను ఫిఝా ఖాన్​గా గుర్తించారు. ఆమె ఇంట్లో నుంచి వెళ్లిపోగానే.. మధ్యప్రదేశ్​లోని రేవా పట్టణంలో ఉండే కుటుంబ సభ్యులు పోలీసులకు కంప్లైంట్ ఇచ్చారు. అన్ని ధ్రువపత్రాలు తీసుకొని వెళ్లిపోయిందని పోలీసులకు తెలిపారు. రంగంలోకి దిగిన పోలీసులు.. దర్యాప్తు జరపగా యువతి పాకిస్థాన్​కు వెళ్తున్నట్లు గుర్తించారు. ఈ మేరకు అధికారులతో సమాచారం పంచుకున్నారు. పంజాబ్ పోలీసులు ఆమెను.. జిల్లా సబ్​డివిజనల్ మేజిస్ట్రేట్ ముందు హాజరుపర్చి.. కుటుంబ సభ్యులకు అప్పగించేందుకు చర్యలు తీసుకున్నారు.

'పాకిస్థాన్​కు చెందిన యువకుడు దిల్షద్ ఖాన్​తో యువతి ప్రేమలో పడింది. ఫేస్​బుక్ ద్వారా వీరిద్దరికీ పరిచయం అయింది. ప్రైవేట్ స్కూల్​లో టీచర్​గా పనిచేస్తున్న ఆమె.. ఆ యువకుడి కోసమే పాకిస్థాన్ వెళ్లాలని అనుకుంది. యువతిని ఇప్పుడు మధ్యప్రదేశ్ పోలీసులకు అప్పగించాం' అని అమృత్​సర్ సబ్​డివిజనల్ మేజిస్ట్రేట్ హర్​ప్రీత్ సింగ్ తెలిపారు.

ఇదీ చదవండి: