Metaverse reception Tamil Nadu: తమిళనాడులోని ఐఐటీ మద్రాస్‌లో ప్రాజెక్టు అసోసియేట్‌గా పనిచేస్తున్న సాంకేతిక నిపుణుడు దినేష్ క్షత్రియన్‌కు జనగనందిని అనే యువతితో ఫిబ్రవరిలో ఓ గ్రామంలో వివాహం జరగనుంది. రిసెప్షన్‌కు ప్రపంచవ్యాప్తంగా ఉన్న తమ బంధువులు, మిత్రులు 'మెటావర్స్' అనే వర్చువల్‌ పద్ధతిలో హాజరయ్యేలా నిర్వహించాలని వారు నిర్ణయించుకున్నారు. ఈ జంట ఈ మధ్యే తమ 'అవతార్‌'ల ద్వారా కలుసుకున్న రిహార్సల్‌ వీడియోను దినేష్ సామాజిక మాధ్యమాల్లో ఉంచారు. ఇది ఇప్పుడు వైరల్‌ అవుతోంది.
Metaverse Wedding reception India
తాను బ్లాక్‌చైన్‌ టెక్నాలజీలో పనిచేస్తున్నానని, మెటావర్స్‌కు అదే మూలం కావడంతో ఆ పద్ధతిలోనే రిసెప్షన్ పెట్టాలనుకున్నప్పుడు తనకు కాబోయే భార్య కూడా అందుకు అంగీకరించిందన్నారు. మెటావర్స్ పద్ధతిలో యూజర్లంతా వర్చువల్‌గా కలుసుకుని, డిజిటల్‌ అవతార్‌లతో ఒకరితో ఒకరు సంభాషించుకోవచ్చు. మెటావర్స్‌లో ఆగ్మెంటెడ్‌ రియాల్టీ, బ్లాక్‌చైన్‌, వర్చువల్‌ రియాల్టీ కలగలిసి ఉంటాయి. ఈ రంగంలోని ఒక అంకుర సంస్థతో కలిసి దేశంలోనే తొలిసారిగా మెటావర్స్ పెళ్లి చేసుకుంటున్నట్లు ట్విట్టర్‌ ద్వారా దినేష్ ప్రకటించారు.
ఇదీ చదవండి: నిశ్చితార్థం తర్వాత మరొకరితో చాటింగ్- కుమారుడ్ని చంపిన తల్లిదండ్రులు
