Benz car crash: కర్ణాటక బెంగళూరులో ఘోర రోడ్డు ప్రమాదం జరిగింది. ఓ బెంజ్ కారు అతివేగంతో పలు వాహనాలపై దూసుకెళ్లింది. ఈ ఘటనలో ఒకరు మృతిచెందగా.. మరో ఆరుగురు గాయపడ్డారు. బెంగళూరులోని ఇందిరానగర్ ప్రాంతంలో మంగళవారం మధ్యాహ్నం ఈ ఘటన జరిగింది.
మృతుడిని అసోంకు చెందిన హరితాప్గా అధికారులు గుర్తించారు. ఈ ఘటనలో బెంజ్ కారు డ్రైవర్ సువిద్ తీవ్రంగా గాయపడగా చికిత్స కోసం అతడ్ని ఓ ప్రైవేట్ ఆస్పత్రిలో చేర్చారు. అతివేగం కారణంగానే ఈ ప్రమాదం జరిగిందని ప్రత్యక్ష సాక్షి ఒకరు తెలిపారు.
సీసీటీవీలో ఈ ప్రమాదానికి సంబంధించిన దృశ్యాలు రికార్డయ్యాయి. తొలుత బెంజ్ కారు.. ఓ బైకును ఢీకొట్టింది. అనంతరం ఇతర వాహనాలపైకి దూసుకెళ్లింది. ఈ ప్రమాదంలో 2 ఆటోలు, ఓ మినీలారీ, ఓ బైకు సహా ఐదు వాహనాలు నుజ్జునుజ్జయ్యాయి.
ఇదీ చూడండి: 17మంది బాలికలపై ప్రిన్సిపల్ లైంగిక దాడి.. భోజనంలో మందు కలిపి...
